雯雯斥遭網紅Sean Lam利用：我冇諗過要紅！張致恆終於上水

Jul 14 2023

「離婚界KOL」張致恆老婆雯雯（區燕雯），日前宣布以每月＄50會員制開通新IG帳號。富二代網紅Sean Lam開直播，「雯雯」亂入，指若想睇佢兩公婆嘈交，就收＄100，似為新IG招收會員。張致恆老婆雯雯澄清遭人冒認，她沒有亂入直播，更暗指遭Sean Lam利用，怒斥：「如果你覺得我有價值，希望幫到你啦！」

張致恒張致恒和雯雯將四年抱四，第四個BB快將出世！ — 張致恒和雯雯將四年抱四，第四個BB快將出世！（圖片來源：IG＠stevencheung）

張致恆老婆雯雯否認亂入直播爆料

網紅Sean Lam畀錢追蹤雯雯新IG，卻被雯雯以「用意唔好嘅人」踼走，把月費＄50退還。Sean Lam如常晚上開直播，「雯雯」亂入互動，又大爆閨房樂。昨晚雯雯稱遭人冒認，「其實我都只係普通人，突然間變得咁有價值，真係多謝大家。我個Account係ugly_mama，嗰個好明顯係Ugly__mama 3條線。我都唔再多講，總之得啖笑！」深夜時雯雯更在新IG開直播澄清，提醒大家勿上當，反被網民指她如願成功上位！

張致恒老婆否認這個帳號是她本人，稱被冒認闖入網紅Sean Lam和老婆Toby Sin的直播爆料！該帳號名稱跟雯雯十分相似，profile pic更是一樣！（圖片來源：IG＠seanlam_888）

雯雯不甘被Sean Lam利用：希望幫到你

雯雯似乎不甘被指博上位，凌晨3時出post，「我冇諗過要出名，冇諗過要做KOL，但係咁樣被人利用同笑，我覺得最可悲係玩我嘅父母自己都有小朋友，點解可以做得出，如果你覺得我有價值嘅你就繼續利用同玩，希望幫到你。我同自己講俾人當小丑俾人鬧都唔緊要，最緊要有辦法俾到生活你哋（小朋友）」

張致恒有米網紅Sean Lam老竇白手興家，其後靠炒樓置富，Sean是星級花店主理人，從事不同生意遍布中港日三地。 — 有米網紅Sean Lam老竇白手興家，其後靠炒樓置富，Sean是星級花店主理人，從事不同生意遍布中港日三地。（圖片來源：IG＠seanlam_888）

張致恒雯雯稱遭Sean Lam利用！（圖片來源：IG＠ugly＿mama — 雯雯稱遭Sean Lam利用！（圖片來源：IG＠ugly＿mama

網民：你應該多謝Sean Lam令你成功上位！

不過網民卻質疑是「劇情所需」，懷疑有人一直鋪路出位，今次終於成功，「呢個女人真係極品，唱衰到個老公無得翻身，跟住扮可憐原來佢自己想做幕前」、「佢多謝Sean都嚟唔切啦，仲話人哋砌佢」、「多得Sean Lam捧紅佢咋，佢都係想出名啫」、「雯雯同林作最夾，不如結婚，不停自製新聞」、「根本係佢自己扮自己」、「終於睇清其實成盤棋錯喺邊，就係Steven娶咗呢個女人」、「根本係佢嚟，佢真係做得出扮番自己製造新聞」。不過都有網呢為雯雯抱打不平，嗎呢個時候仲要扮雯雯玩嘢。

張致恒雯雯上月慶祝細仔1歲生日，又快將生第四胎！生仔效率驚人！ — 雯雯上月慶祝細仔1歲生日，又快將生第四胎！生仔效率驚人！（圖片來源：IG＠ugly＿mama）

張致恒終於蒲頭有回應！

張致恒Steven 終於蒲頭，留言指老婆雯雯遭假account 冒認，點知反被網民圍攻，「你終於上水啦，以為你以後隊個老婆做幕前」、「好心你管下你老婆把口啦」、「叫你老婆唔好做KOL呀，貴圈從此永無安寧」、「KOL唔係人人做到㗎，你勸下你老婆啦」、「你老婆直播得嗰十幾個，人哋問佢嘢，佢又問番人，連做人基本溝通都唔識」。