爭《Slam Dunk》擁有權 張繼聰網上公審謝安琪

原來一講到《Slam Dunk》，真係天王天后都無面俾㗎！講緊的是 張繼聰 與謝安琪(Kay) 兩公婆，兩人為家中一套珍藏《Slam Dunk》到底誰屬爭吵不休，最終將事件放上網公審！

資料來源：東方新地

老公搵銀 老婆安胎

阿聰在早前大結局的台慶劇《幕後玩家》中表現出色，演技備受讚賞，其實阿聰近年密密參演電視劇及電影，無論搞笑及正經的角色都演得到位，形象非常討好！至於太太阿Kay則留家安胎，準備迎接小公主的出生。不過唔講唔知，原來阿聰同阿Kay兩公婆都係《Slam Dunk》迷，兩人日前更因為家中一套珍藏而在網上罵戰！究竟發生咩事？

《Slam Dunk》誰屬？

阿聰日前在FB上載照片，稱自己執拾房間時搵到一套對自己成長有莫大影響的《Slam Dunk》珍藏，正當感動之際，竟然「有人」同佢爭拗，振振有詞話套《Slam Dunk》其實係佢買的，阿聰嬲到話佢猶如一個強盜！冇錯啦，個「有人」咪阿聰個大肚老婆阿Kay囉！

其實讓吓大肚老婆真係冇咩所謂，反正兩公婆都唔會分得咁清楚，但阿Kay竟然話自己唔會再睇，打算將套漫畫送俾人… 呢個moment阿聰就要爆啦！佢留言︰「佢唔明白，到我哋依種年紀，入樽已經唔係用嚟睇，係用嚟供奉….男人嘅青春同熱血係唔可以俾人，Never !!」最後加多句「套書我Keep硬！」真係夠晒霸氣！

阿Kay還擊

阿聰將呢件事放上網「公審」，阿Kay當然不甘示弱，在相片留言︰「呢套入樽係我㗎！當年我細本同大本版各一套，擺喺床邊陪我好多年，咪見到入樽就以為係自己嘅，好冇呀！」雖然表面上鬧到好僵，但事實係兩公婆公然耍花槍，閃死人啦！

 
內容延讀：
鼎爺有料到！　5招即跟鼎爺學煮傳統廣東菜！
>>> LIKE我們fb <<<
www.facebook.com/newmonday.com.hk