張繼聰、謝安琪四千呎獨立屋內籠曝光 村屋搬豪宅夠勵志！
廣告
又唔係出身巨富含住金鎖匙出世，唔少藝人都曾經捱過窮過默默無聞從低爬起，正如模範夫妻張繼聰同謝安琪（Kay）兩公婆當年奉子成婚，當中辛酸真係有苦自己知。
撰文、圖片：東方新地丨原文刊於：東方新地丨編輯：白子
謝安琪曾貪平住村屋 張繼聰今住比華利山獨立洋房
當年陀住第一胎嘅Kay 都試過貪平住村屋，而張繼聰亦試過被譏知名度及搵錢能力不如老婆，不過隨著謝安琪喺樂壇逐步攀上最受歡迎女歌手位置，張繼聰亦能唱能演慢慢成為多棲藝人大受廣告商歡迎，兩公婆身價暴升，終於喺逆市低價以1,200萬由大埔村屋搬入比華利山獨立洋房居住，呢個往上爬嘅愛情故事，唔止浪漫仲好勵志！
四千呎獨立屋豪宅內籠曝光
今年遇著疫情，娛樂圈工作大不如前，兩公婆如同大多星爸星媽一樣，難得可以放下工作重拾家庭樂和親子時光，個人社交帳戶不停分享夫妻點滴同子女溫馨玩樂外，4,000呎超級豪宅內籠亦都逐格曝光。一家四口入住四千呎豪宅大過頭用唔晒？事實證明防疫期間人人stay home，當自己屋企可以有私家泳池畀仔女放電、浴缸大到夠張繼聰同13歲張瞻玩父子同浴、客廳巨到可以打機 Jam 歌仲夠三歲囡囡張靖玩超跑通屋走時，就知道咩叫做貧窮限制咗想像力！
