張秀文拍戲現場姣羅仲謙 老婆楊怡親自出馬掃狐捍夫!|新蚊娛樂|

流行娛樂

廣告

楊怡羅仲謙婚後一直不設防為三年抱兩而努力,可惜三年過去,造B計劃未圓,楊怡停工養身等孕到,而謙謙就留港拍劇儲精力配合。近月為無綫劇《木棘證人》開工,角色周旋於女神張曦雯與尤物張秀文之間,雙張合璧車輪戰,血氣方剛的謙謙,少啲定力分分鐘中招。當謙謙遇上逢仔媾擁導彈身材的張秀文,雖然心中有怡意念堅定,但張秀文主動姣挑,不時在拍攝現場挨身挨勢借意親近,謙謙表面迴避卻暗生歡喜,有傳令楊怡打爛醋埕,曾現身電視城監場,親自出馬掃狐捍夫;為了盡快為羅家開枝散葉,謙謙真係要把持住,唔好畀啲姣精搞到分心至得。

撰文:東方新地丨圖片來源:東方新地

張秀文拍戲現場狂姣羅仲謙

與羅仲謙姊弟戀開花結果,楊怡婚後背負住生仔使命,三年已過未成功生B,夫婦二人歸咎於謙謙經常返內地工作,聚少離多時間難以配合,所以今年留港全力造 人,老婆楊怡年屆40是高齡產婦,要養好身子惟有停工,而謙謙則努力賺錢養家,相隔三年重返無綫為新劇 《木棘證人》拍攝。

姣花入型入格

今次擔正做男主角的謙謙,劇中角色周旋在兩女主角 張曦雯及張秀文之間,與兩女都有感情戲份,演律師的張 曦雯開鏡時被問及會否怕楊怡來探班及監場拍親熱戲,她笑說絕對 不怕,因為大家都是演員,會明白的,還識做地說身為後輩很期待 見到楊怡,讚她是出色演員,想跟她學習。張曦雯表現得專業而大 方,而張秀文飾演的貪慕虛榮港女就入型入格,劇中講述她與謙謙拍拖十年,經常買名牌欠下卡數,又被揭發意圖出軌暗交富二代,向謙仔「派綠帽」,姣花劈腿而令男友最後戀上張曦雯。

 

日前謙謙與張秀文在九龍塘拍外景,張秀文身穿緊身上衣露 腰上陣,未埋位已經風情萬種,對住謙謙不停姣笑,雖然睇得出謙 謙有避忌,但張秀文步步進逼,姣力四射,出名人緣好的謙謙對住 張秀文明顯心情靚笑得開心。其實張秀文的媾仔威力已傳遍整個將 軍澳電視城,今次角色簡直為她度身訂做,造型上要夠姣,張秀文 不時自備私伙服飾上陣,低胸、露腰騷腿樣樣齊,每次開工都扮到彩雀一樣,務求令台前幕後的男士都暈得一陣陣。

 

主動撩謙謙

據知情者透露:「張曦雯個樣似係好惹火,佢本身性格似鬼妹仔,但佢開工還開工,唔會亂放電,Sammi(張秀文)就好唔同,對住謙謙明知人哋有老婆楊怡都照姣,嗲聲嗲氣撩人傾偈講笑都算,佢仲會主動挨身挨勢,影相就更加明顯,完全唔識避忌。楊怡喺無綫咁多年,大把線眼啦!所以謙謙都好自律,會迴避吓,但劇中要做情侶演感情戲真係避唔到,之前有場戲要同Sammi錫,好彩只係蜻蜓點水,但謙謙都硬晒軚,之後有啲閒言傳咗去楊怡度,話晒謙謙都血氣方剛,楊怡睇緊啲亦無可厚非,有人見過楊怡去探班監場,睇嚟Sammi已經畀楊怡盯上喇 !」

本身性格開放愛發姣,受形象局限想做女一都幾難,張秀文亦有自知之明,早前她表示自覺在《木棘證人》所演角色令人討厭:「我個角色都幾衰格,怕惹觀眾討厭,希望劇情發展下去,會有機會畀我挽回形象,令人覺得我嘅角色係情有可原。」其實張秀文唔止在拍戲現場發姣,出席宣傳活動接受訪問一樣會出招,早前她與張曦雯及謙謙一齊受訪,片段中她自爆有時會度橋改對白增加效果,謙謙笑指她所改的橋通常都沒用,張秀文即場撒嬌把身體擰向謙謙,左手有意無意觸碰男方的身體,鏡頭前都姣成咁,鏡頭後可想而知。知情者透 露 :「Sammi都唔係第一次啦 ! 之前喺無綫搞嘅《唱好香港演唱會》,當日全台藝員參與,Sammi被安排同陳豪一組玩遊戲,但佢竟在鏡頭前拍陳豪大髀,搞到陳豪好尷尬,唔敢直視佢。」

拒絕人工受孕

過去幾年大部分時間都在國內搏殺的謙謙,有咩狂蜂浪蝶未見過?為了使老婆楊怡安心,他當然會乖乖做個好老公,對於急於造B,謙謙與楊怡都直認不諱,謙謙下半年一心留港配合,奈何拍無綫劇根本分身不暇,他自言晚晚都「有心無力」,放工都累爆。

 

而楊怡大半年來深居簡出,不設防之餘還四圍搵生仔秘方,中西合璧全力出擊,最近又有人多次目擊楊怡出入「生仔聖手」之稱的名醫診所求醫,謙謙回應時冇否認老婆睇名醫求子,再次強調冇懷疑過自己的能力,兩公婆都有做婚前檢查,身體健康都Ok同正常,他承認楊怡有Keep住睇婦科,加中藥調理身體,不過現階段不會考慮人工受孕。日日開工對住性感尤物張秀文就笑晒,返到屋企見到老婆就話攰,楊怡掃狐捍夫絕對係必須的。