張敬軒首玩FaceApp變肥軒網友留言爆笑：激似肥媽！｜頭號粉絲

Oct 5 2020

張敬軒向來在社交網上十分活躍，不時上載生活或工作點滴的相片，與網友分享，而近日網上又再有變臉應用程式（FaceApp）興起，張敬軒亦順應潮流玩埋一份，並在昨晚（4/10）於個人社交網上分享變臉照，不少網友看到後瞬間爆笑，仲留言表示：激似肥媽。

撰文：八卦妹｜圖片來源：張敬軒Instagram

張敬軒首玩FaceApp變肥軒

張敬軒近日追趕潮流，昨晚（4/10）首次跟網友大玩變臉應用程式（FaceApp），從相中可見張敬軒不但有肥肥的面珠，仲有雙下巴，乍看之下與肥媽Maria Cordero相似，張敬軒將相片上載後，就留言表示自己已Del App：「我已經delete咗個App#完」，還自嘲變樣後似「阿蟬」：「#識唔識唱甜蜜蜜吖#在哪裡在哪裏見過你#我好似真係有見過呢位阿姐#人生於世上有幾個知己多少友誼能長存」，十分搞笑。

張敬軒近日追趕潮流，首次跟網友大玩變臉應用程式（FaceApp）（圖片來源：hinscheung＠instagram）

張敬軒變臉後，與肥媽 Maria Cordero 撞樣！（圖片來源：hinscheung＠instagram）

「6號」陸浩明爆笑留言：「maria hinhin」

張敬軒上載變臉相片後，旋即引起網友、樂迷及一眾圈中好友的注意，而且識睇，一定係睇留言。王菀之表示：「溫馨提示，你po錯咗未用app嗰張呀」、阿Sa蔡卓妍：「懷疑係原圖」、「6號」陸浩明：「你冇化妝，唔好以為我唔認得你…呀！肥媽」，隨後更留言笑話：「肥媽打俾我…話終於揾到妹妹啦…maria hinhin」。