張敬軒尾埸演唱會超感人 唱到零晨一點幾 重溫3大焦點！

呢份友誼叫張敬軒與王菀之

張敬軒同王菀之係多年好友，相信大家都知。昨晚軒公演唱會尾埸搵嚟王菀之做嘉賓，講返相遇時的經歷，曾經出生入死，指當時開始一次出埠演出的演出，主辦方與agent溝通出現問題，而引致困於當地，後來幸有好友營救，因此成為靈魂相認的好朋友，軒公更大叫「我咁大個仔未見過咁大把牛肉刀！」，接著2個合唱《留白》一曲。本來2人的合唱已非常觸動粉絲，而送禮物環節，王菀之送的禮物更令軒仔流下男兒淚！當時王菀之共送了3份禮物，一開始是一包咖啡豆的紙袋，王菀之幽默指要軒公幫佢買咖啡豆後就會裝咖啡豆於紙袋中，第2份禮物是邀請軒公幫自己舞台劇的表演賣廣告，而第3份是王菀之親手寫的信，當時王菀之讀出嚟，指大家沒有見面的日子，一直在追尋理想，軒公當時已相當激動，再講到：「幾年前你問喺同一個地方問過我，如果下一世遇唔返我點算？」接著軒公即落淚，王菀之接著說：「我怕你唔記得，所以我而家再講多次，我會搵返你。」說完，2人相擁，場面賺人熱淚，不少粉絲都指睇到勁感動，同軒公一齊喊了出來！

邀兩大鏡仔做壓軸嘉賓

男團Mirror中，姜濤曾現身第20埸嘉賓，昨晚尾埸軒公仲搵嚟陳卓賢Ian作為第2位嘉賓，合唱《騷靈情歌》以及Ian表演《正式開始》。Ian仲送咗自己買的第一架模型車俾軒公，仲表示自己到時買到呢架車之後會第一時間邀請軒公遊車河！後來到12點幾，大家都以為已經完埸時，軒公仲搵嚟第3位嘉賓，係mirror的柳應廷Jer，表示Jer一拍完電影即刻過嚟，與軒公大唱《我的天》以及表演《人類群星閃耀時》，令粉絲尖叫不斷！軒公真係勁鍚後輩同粉絲，事後軒公訪問中表示自己因為整個演唱會經常超時，而被罰成7位數，唔少粉絲都非常多謝軒公咁盡心盡力搞呢個演唱會，更指今次張敬軒演唱會係無可能被超越了。

https://youtu.be/XfFrw_o8cB0