張敬軒

張敬軒爆阿媽有意叫他投資呢個特別產業 雪姨急獻身:我可以輔助你

流行娛樂

張敬軒全新網上節目《軒公敲碗》繼首集有女神林明禎後,來到第二集軒仔化身「一日限定地產仔」,孖住「富貴KOL」雪姨玩睇樓,影片一推出,立即登上熱爆影片第六位,走勢強勁。

 

文:東方新地 |圖:[email protected]張敬軒 Hins Cheung、新傳媒圖片庫|編輯:HM(原文刊於:東方新地)

張敬軒自爆阿媽吩咐投資性玩具產業 雪姨急獻身:我可以輔助你
張敬軒全新網上綜藝節目第二集《軒公敲碗》日前上架,這次軒仔化身「一日限定地產仔」,孖住有「富貴KOL」之稱的雪姨玩睇樓。(圖片來源:[email protected]張敬軒 Hins Cheung)

自爆阿媽吩咐投資性玩具

今集張敬軒的任務要向雪姨推介三個樓盤,睇樓期間軒仔更揭露雪姨原來喜歡裸泳及「多人沖涼」癖好,無論是獨立屋的泳池、還是私人屋苑的單位,雪姨不時表示自己喜歡裸泳,聽到軒仔眼擎擎。二人講到投資之道時,軒仔透露原來他的媽媽曾帶過他到性用品交易市場,更着他要投資性玩具產業,不過軒仔並沒有實行,他解釋:「我冇投資到,講明先,不過我阿媽話要做,你有冇見過一個阿媽帶住一個18、19歲嘅仔去行性用品交易市場?入到去一支支,一嚿嚿咁。但我阿媽絲毫唔尷尬,佢仲同我講阿仔呢啲有得做。」之後雪姨更笑軒仔一定要聽媽媽話:「做性玩具,真係唔好嘥咗個天份。」軒仔無奈問:「我個天份係邊呢?你又有冇見過我用。」雪姨即急急獻身:「我可以輔助你嘅。」軒仔呆着的同時又抵死地說:「嘩!我個心真係離一離呀。喺業務上!你講清楚啲。」十分搞笑。

張敬軒自爆阿媽吩咐投資性玩具產業 雪姨急獻身:我可以輔助你
今集張敬軒的任務要向「富貴KOL」雪姨推介三個樓盤。(圖片來源:新傳媒圖片庫)
張敬軒自爆阿媽吩咐投資性玩具產業 雪姨急獻身:我可以輔助你
二人講到投資之道時,軒仔透露原來他的媽媽曾帶過他到性用品交易市場,更叫軒仔投資性玩具產業。(圖片來源:[email protected]張敬軒 Hins Cheung)
張敬軒自爆阿媽吩咐投資性玩具產業 雪姨急獻身:我可以輔助你
雪姨叫軒仔一定要聽媽媽話:「做性玩具,真係唔好嘥咗個天份。」並急急獻身話:「我可以輔助你嘅。」(圖片來源:[email protected]張敬軒 Hins Cheung)
張敬軒自爆阿媽吩咐投資性玩具產業 雪姨急獻身:我可以輔助你
軒仔抵死地回應雪姨:「嘩!我個心真係離一離呀。喺業務上!你講清楚啲。」十分搞笑。(圖片來源:[email protected]張敬軒 Hins Cheung)

化身室內設計師

介紹樓盤時軒仔對室內裝修設計亦有一番研究,睇樓期間不時給予很多實質意見。例如會建議在窗台放上一張軟墊,可當作悠閒的咖啡閱讀區;又例如當單位是有柱的格局時,他亦建議可將一邊封起,以作玄關及客飯廳分隔之用。對於地板及地腳線,亦難軒仔唔到,「個地板係屬於複合地板,譬如想換就要成幅換,不過換得地板就一定要換埋地腳線。」雪姨問到原因,軒仔便說:「因為地板要鋪得靚嘅話,一定係地板直接去到牆身下面,跟住先至封地腳線。」雪姨即謂:「你真係好癲呀,真係好清楚!好似帶咗個室內設計師嚟。」

張敬軒自爆阿媽吩咐投資性玩具產業 雪姨急獻身:我可以輔助你
介紹樓盤時軒仔化身埋室內設計師。(圖片來源:[email protected]張敬軒 Hins Cheung)
張敬軒自爆阿媽吩咐投資性玩具產業 雪姨急獻身:我可以輔助你
對揀樓提供很多實質意見。(圖片來源:[email protected]張敬軒 Hins Cheung)

獲雪姨大讚專業

睇完三個樓盤後,軒仔表示帶雪姨睇樓「壓力大到不得了」,雪姨坦言軒仔令她大開眼界,自己學到很多:「講真,我覺得而家成個Youtube界嚟講,帶人睇樓,你真係最專業。」最後,雪姨更給「一日限定地產仔」滿分,她說:「坦白講,喺過去兩年,我都睇過超過一百間嘅樓盤,work with過好多唔同嘅經紀,真係從來冇一個係(你)咁專業。你係會分析埋風水、連室內設計、裝修所有嘢,真係太勁!你令我好有surprise。」

張敬軒自爆阿媽吩咐投資性玩具產業 雪姨急獻身:我可以輔助你
雪姨大讚軒仔專業。(圖片來源:[email protected]張敬軒 Hins Cheung)
張敬軒自爆阿媽吩咐投資性玩具產業 雪姨急獻身:我可以輔助你
雪姨畀軒仔10分滿分。(圖片來源:[email protected]張敬軒 Hins Cheung)

(有片)張敬軒 x 雪姨 一日限定地產仔 雪姨睇樓團

https://www.youtube.com/watch?v=MKE-VSvn75w

YOU MAY ALSO LIKE ...