給十九歲的我｜前PA爆料疑被張婉婷「走數」 半年得雞碎人工

給十九歲的我｜自稱PA被張導恥笑返亞視

呢位自稱《十九歲》PA文中一開初就表示自己2012年就讀港大時因拍攝短片獲獎，機緣巧合下認識擔任評審嘅張婉婷導演，當時對方更保證帶佢嘅新製作做PA，但佢聽完都覺得導演只係口頭講，所以就入咗亞視做PA。不過之後張導真係有搵返佢，第一次同張導、已故嘅羅導以及李副導演開會，呢位PA更喺大家面前自我介紹，指自己曾亞視返過工但人工得8000蚊，張導聞言後更笑指，「做乜行差踏錯入左亞視，咁低人工」。

給十九歲的我｜一直被拖數副導演：咁大個導演，你怕佢走你數咩

到翌日呢位PA真係接到李副導演嘅電話，被問到有無興趣跟張導嘅新project，佢就係一個冇簽約冇傾過薪酬待遇之下工作正式開始。佢透露拍攝嘅籌備階段開始學到好多電影圈嘅嘢，但最令佢印象深刻就係，「任何問題，如何冇需要，唔好煩到導演」。而呢位PA透露返工都係自己帶錢幫團隊買飯買文具等等，原本一兩星期就claim到錢，但之後就開始被拖數，副導演更同佢保證，「咁大個導演，你怕佢走你數咩。」

給十九歲的我｜最後得$5000？

去到最後幫張導擔任兩個Project、冇固定工時，24小時on call嘅pa完成所有工作後，同其他工作人員出席慶功宴，佢終於收到人工，張導當時比左張支票我「收到嘅係一張$5000嘅支票。X你個街原來當年亞視出咁高人工請我，仲要比你大導演恥笑。 24小時on call講緊真係有一晚做到半夜，第二朝miss左一個電話就比人X到x街。」之前自己未claim到嘅錢，PA就話副導演呀仔一直用唔同籍口，最後拖左一年幾。

經已故嘅羅導演幫助下先收到錢

PA坦言當時嘅佢只係岩岩出嚟做野嘅大學生，幫張導擔任PA嘅日子最後竟然係咁等同白做左半年。之後佢就開始瘋狂打電話搵副導演呀仔，無間段咁打一個鐘之後，對方終於聽電話但就被粗口問候。直到最後副導演都係未出現過。PA最後表示放棄左「唔打擾導演」呢個天條，聯絡已故嘅羅導演講述事件，3日後先收到所有錢，從此之後冇再聯絡過羅導同張導。

頒獎禮偶遇張婉婷竟被咁樣講？！

但估唔到若干年後，呢位PA係一個重遇張婉婷導演，對方見到佢就講左句，「你喺得呢到出現，而家都撈得好掂啦」，指當日冇講出口嘅一句係：「富二代港大師弟喎，識光合作用㗎嘛。黑社會都唔驚呀。唔係咩呀？」

原文：