【廖啟智安息禮】杜琪峯、郭富城現身群星現身送別!老婆陳敏兒:感謝大家送畀佢嘅人生金像獎
撰文:東方新地 |圖片:TVB娛樂新聞台圖片|編輯:20|原文刊於:東方新地
陳敏兒讚丈夫廖啟智係A+病人
陳敏兒於本月20日下午為亡夫廖啟智(智叔)在尖沙咀聖安德烈堂舉行安息禮,智叔好友田啟文一早到場幫忙打點,他指今次儀式由智叔兩名兒子廖文哲和廖文信負責安排,一眾教會詩歌班成員包括王祖藍、蔣志光、鄺文珣、杜燕歌、張崇德及太太劉美娟等,現場獻唱詩歌送別智叔。
![智叔好友田啟文一早到場幫忙打點智叔安息禮,安息禮所收的帛金將以智叔名義捐予慈善機構。](https://imgs.orientalsunday.hk/wp-content/uploads/2021/04/16_219324914607ebe58803d6.jpg)
安息禮上陳敏兒播出短片總結了丈夫智叔的一生,她在片中表示:「作為一個演員,佢盡力滿足要求,作為一個爸爸,供書教學,陪伴孩子成長,佢曾經講過:『我好擔心你,我好唔放心你。』因為覺得自己未能完成丈夫責任,作為病人,佢係醫生口中A+病人。我作為妻子,『廖啟智,我以你為榮。』」
![陳敏兒指曾與智叔約定一齊返內地旅行探訪名山大川,1984年兩人又曾齊請假兩個月孭起背囊去歐洲半流浪。](https://imgs.orientalsunday.hk/wp-content/uploads/2021/04/07_366800059607ebe487cd83.jpg)
陳敏兒又在會上分享與智叔臨別時的情況,她憶述:「佢喺病房,係咁流眼淚,面對生離死別,佢好唔捨得,正正係佢放唔低啲仔,放唔低個老婆,佢同我講,係打算殿後,佢講:『敏兒,我冇諗過要丟低你,依家要留低你,辛苦你喇!』佢就係一個咁有責任感嘅人,佢唔係害怕死亡,佢只係唔捨得我哋,但我哋三個好想畀佢知道,我哋好掂,好會保護自己!」
![陳敏兒話好想畀智叔知道佢哋三母子會好好保護自己。](https://imgs.orientalsunday.hk/wp-content/uploads/2021/04/10_126790423607ebe4d5d225.jpg)
陳敏兒又指自己沒想過會有這麼多人前來送別丈夫,她感性表示:「好感謝你哋送咗最後一個禮物畀廖啟智,聯手打造送畀佢嘅一座人生金像獎,我依家代智叔領獎,再一次多謝大家對智叔嘅愛,多謝你哋!」
![陳敏兒話好多謝大家聯手送畀智叔一座人生金像獎。](https://imgs.orientalsunday.hk/wp-content/uploads/2021/04/17_106666748607ebe59e088c.jpg)
大仔廖文哲分享自己青少年時期性格率性隨心,父親則紀律性強,因此兩父子當時關係並不好,他說:「我以為爸爸唔鍾意我,但係每次我喺澳洲讀書返嚟,喺機場睇到佢嘅笑容,我知道佢係從心底裡想見到我。」
![廖文哲、廖文信吹奏口琴告別父親。](https://imgs.orientalsunday.hk/wp-content/uploads/2021/04/05_260819138607ebe4519971.jpg)
李佳芯21歲制服模特片曝光?
近日有網民喺YouTube頻道分享2003年Ali模特兒時的珍貴影片,當時嘅李佳芯仍是青春少艾只得21歲,照片中見到佢係有少少baby fat。可能當時佢仲細個,未識化妝…詳情請看
李佳芯飛甩初戀男友原因為何?
李佳芯即自爆20歲的初戀經歷最辛苦:「試過有次同佢出街,香港細容易同人擦肩而過,佢會鬧人『你做乜撞我?做乜掂我?』後來我先發覺佢有少少躁狂,我嗰時…詳情請看