幫緊你應援團｜Ian達成玻璃骨女孩心願獲網友激讚超暖心 ViuTV台長魯庭暉發文大講節目成功之道
撰文：東方新地 ｜ 圖片：《幫緊你應援團》影片截圖 ｜編輯：Bonita 部份原文刊於：東方新地
幫緊你應援團｜ViuTV台長魯庭暉發文大講「要得創意之果，必經創作之痛」
近日，ViuTV播出節目《幫緊你應援團》，當中以Ian達成玻璃骨女孩心願獲網友激讚超暖心，就連ViuTV董事及總經理魯庭暉也有在（9日）晚在其社交網上載一張節目的截圖，並留言道出ViuTV開台五年以來，一眾台前幕後都是捧著用心、創意等心態去做節目，雖然在創作的過程中曾出現不少令他大感失望的節目，但他就表示：「要得創意之果，必經創作之痛啩」的智理名言。
ViuTV董事及總經理魯庭暉詳文如下：
「有人話係年輕。傻啦，我地10幾歲到60幾都有，有一次，呀金生同我去見人，前輩黎嘅，金生識咗好多年，我第一次見。金生介紹我：呢位係我老細。可能因為果度環境有d嘈，前輩聽唔清楚，反問：呢個係你個細仔？
金生尷尬到一個點，因為計一計，佢堅生得我出。係呀，佢同好多同事都唔年輕架(咁佢地又係young at heart 嘅）不過年齡，應該唔係最大共同特質囉。
咁係咪創意？一時時啦，我office有個list, 叫「到底我當時諗緊d乜」。陳列出一眾我當時approve咗，但做咗出黎之後我睇完想燒片嘅節目。咁無嘅，係咁架啦，要得創意之果，必經創作之痛啩。
早幾個禮拜，有一個會，我同幾個唔同部門嘅同事傾d野，悶悶地吹下水講七救星之前個集…
同事A:喂呀Pixel果集好感動呀，點呀佢地幾時出歌架。
同事B:喂係啦，不如咁咁咁，跟住咁咁咁，我個部門就可以咁咁咁配合。
同事C:咦，咁我呢邊可以咁咁咁wor, 駛唔駛我一陣打俾呀邊個問下會唔會咁咁咁呀？
下刪10分鐘離題對話…我睇住佢地講，我諗咗一下。其實單野唔係好關佢地事，佢地唔係用果隻旁觀心態講緊其他部門壞話，佢地係覺得節目做得好，上咗心，戥件事心急，想盡力諗方法再幫一下件事，唔想浪費一個幫到人嘅timing.
咁嘅，或者我地有d野好睇，有d野好難睇。有時做得ok. 有時做得好差。不過，呢班人，個底，應該好心地。」
《幫緊你應援團》為鏡粉送暖
《幫緊你應援團》日前播出的第4集，Lokman與阿妹收到Cami的委託，為患有先天性成骨不全症（俗稱玻璃骨）的好友斌琳帶來驚喜，達成斌琳見偶像Ian的願望。
玻璃骨女孩一提Ian冧滋滋
斌琳在節目中講到她最愛的偶像Ian，笑得非常冧仲表現得有點怕醜，她表示最喜歡Ian的笑容夠陽光及溫暖，唱歌亦好聽。
Lokman拍心口速成約會
Lokman覺得Cami及斌琳這對好朋友很難能可貴，亦很欣賞斌琳的生命力，所以希望在能力範圍內盡力幫忙，他親自跟Ian及經理人商討，終於促成這件美事。
製造愉景灣偶遇
斌琳因為身體狀況，從未出門去過旅行，她曾向Cami透露想去愉景灣，所以製作組先安排阿妹帶住Cami與斌琳去愉景灣閒逛，而另一邊廂Lokman則與Ian準備在那裡埋伏驚喜現身。斌琳見到偶像Ian，心情非常激動，Ian亦親自寫了張心意卡送給斌琳，不過薄皮暖男Ian要斌琳返到屋企才可以閱讀心意卡的字句。
