巴西男模韋小寶娶9個老婆終於有老婆頂唔順要離婚男模竟決定？！

Apr 14 2022

雖然好多現今國家都提倡一夫一妻制，不過有啲國家仍然可以享盡齊人之福，就以巴西為例，一名巴西模特兒Arthur O Urso，爽娶9個老婆！後來有一位老婆頂唔順要同佢離婚，佢竟然無反省，仲竟然更加誇張！

扭轉人生享齊人之福 9角戀

一夫一妻睇落好似已經係普世價值同普遍國家實行緊的制度，但巴西韋小寶就似乎想打破呢種制度！一名巴西男網紅Arthur O Urso並唔係一開始就咁「幸福」，佢突然喺一年內減肥28.5公斤，瞬間整個人生大變，仲做埋模特兒，所以幾時都話肥仔真係潛力股！做咗模特兒的佢認識咗位靚女Luana Kazaki，成功抱得美人歸娶咗返屋企。可惜人生大變的佢，開始覺得一個老婆並唔夠滿足佢！就過去一年，佢足足娶多8個老婆返屋企，現時擁有9位老婆！不過巴西係一夫一妻制的國家，所以佢的法定伴侶都只有Luana Kazaki一人，佢娶另外9位老婆的結婚儀式係無任何法律效力。

每次出街都好大陣仗！

有老婆頂唔順要離婚！

不過齊人之福又會點咁易享，其中一位老婆Agatha近日就頂唔順，要離開呢個9角戀，而原因就係始終想老公只愛自己，對自己從一而終，不過Arthur又點會咁易妥協！Arthur認為獨占一人呢樣嘢係無意義，要學習分享的態度，其他老婆都一一表示支持Arthur的睇法，仲認為老婆Agatha懷念一夫一妻制呢個諗法係錯！不過Arthur仍然對老婆Agathah的離開感到難過同可惜，短時間內唔會搵第個取代佢。