試當真｜岑珈其被狂轟勁無品 網民：朱康成個爛仔，全靠達哥控制場面！

試當真｜岑珈其再扮學生模擬DSE中文口試

試當真派出岑珈其、豪哥、以及邀請了達哥、演員朱栢康（朱康）以及YouTube頻道JFFT的床哥及良少，一起議論歧視人要點處置，火花四濺。岑珈其支持槍斃。岑珈其為了自己發表論點，不但鬥大聲去搶話事權，同時當別人發表時，不停打斷別人說話，愈講愈大聲。搞到惹起網民負評，不斷在片下洗版直斥岑珈其「講嘢無point，把口衰，相信喺出邊得罪唔少人，背後應該唔少人唔妥你講你壞話。」、「係試當真最難睇嘅片，但亦係最真實嘅片，睇到岑珈其幾黑人憎」。

試當真｜網民狂轟岑珈其0尊 似真面目現形？！

網民狂轟岑珈其0尊、無品，留言洗版狂鬧、「由頭到尾都唔識尊重人」、「果然係擦鞋仔，揀人嚟串。」、「佢為咗贏現晒真面目」、「佢一個人改變咗一個節目的質素」、「呢啲小組討論？得兩個人講，又嘈又盛，佢係當自己主場惡晒？之前上鄭中基個channel無咁架喎」、「欺善怕惡，見到達哥（講嘢有邏輯）、朱康（老屎忽有地憶）就唔敢駁，見到良少（經驗少轉數慢啲）就下下窒人」、「依家開ViuTV見到岑珈其就熄以為呢集幾好笑啦，點知係睇到真實個人咁無品」

試當真｜網民：朱康返維園啦，成日抬枱鬧人！

唔單止岑珈其狂吸負評，同場的朱康亦成為網民討論熱點，指佢成日拍枱又兇人，離晒大譜，「朱康去維園做城市論壇啦，成日拍枱」、「朱康成段片係咁周圍咬人」、「朱康大聲又疊聲睇得好辛苦，仲要不停拍枱」、「朱康原來係爛仔，句句拍枱同人講嘢，唔係為效果囉，呢啲小動作係習慣啦」。網民指全集好彩有達哥控制場面而且有理據，又有學識。

試當真｜有網民力撐朱康同岑珈其：咁認真返去睇城市論壇吧啦

雖然如此，但有網民仍力撐朱康同岑珈其，認為綜藝娛樂節目就應該係咁，咁樣好好睇、好好笑，「我都覺得不知幾正，完全吾覺有人無癮，娛樂節目就係咁，根本就係演俾人睇，如果你夾硬覺得人地無癮，咁真係去睇返城市論壇吧啦」「呢個係娛樂節目，你以為係真正討論？」「呢個陣容簡直無敵」「接住一個咁認真嘅dse系列做既口試王竟然拍到超級綜藝」

睇片啦喂～