神隱多時「屯門娜娜」再重出江湖 做youtuber跳熱舞：靚咗好多

娜娜勁舞小背心重出江湖

屯門娜娜喺ig及youtube等社交平台執咪大展歌喉，染上一頭粉絲色頭髮的娜娜，著上性感小背心熱唱麥潔文的《Jing Wu Dancing Queen》重出江湖，影片中娜娜仲一邊唱歌，一邊扭動身體，非常賣力！對於娜娜的賣力演出，唔少網民都表示欣賞「人地起碼肯拋頭露面娛樂觀眾，都叫做有付出有努力」「其實佢係幾靚既」「happy伯呢？」「身型好過好多後生女仲keep得幾好」「好似黃祖藍」

一齊聽下娜娜版的《Jing Wu Dancing Queen》

娜娜玩埋鋼管舞 展示高難度舞技

娜娜今次出返嚟，仲帶埋新嘢比大家，唔止勁歌熱舞，仲玩埋鋼管舞，娜娜喺youtube好謙虛話自己「從拾鋼管舞好笨重」。影片可見娜娜著上一身性感裝，娜娜紋身一覽無遺，跳出不同鋼管舞的高難度舞技，又轉圈又爬管，非常犀利！不過youtube市場似乎就唔係幾啱娜娜，出咗2日只係得100多view及2個留言。

重溫娜娜成直播主！開Live唱歌，幾日賺4位數

屯門娜娜以往喺屯門公園唱歌，賺取阿伯打賞，不過經歷社運及新冠肺炎疫情，屯門大媽紛紛暫時「停工」。而屯門娜娜日前在IG上發帖宣布自己在Uplive開直播，歡迎粉絲追蹤，並指自己平日直播時間由每日晚上7點~12點，星期六則不定時直播。屯門娜娜於Uplive開Live數天後，追蹤者經已超過200人，更賺到超過1.4萬U幣，成績相當驚人！而屯門娜娜加入的Uplive，標榜「健康直播」所有人都能夠憑藉這些平台都可化身成為網絡紅人。而且更設有分成制度，過去幾年來有 不少直播主在短時間內賺得豐厚收入，甚至更有直播主月賺百萬。粉絲可以在Live中送贈了U幣予主播，如果用U幣兌換實際收入，兌換比例大約：10U幣=1元人民幣，所以1.4萬U幣大約經已有4位數字港幣，隨時比喺公園更好搵！