尾二一屆口罩小姐|炮灰節目首集5大最爆佳麗 IG被翻出個個都出色!

流行娛樂

廣告

《尾二一屆口罩小姐》昨晚(15日)播出,主持繼續有ERROR四子再加上強尼、KB、媚姨、娟姐以及岑珈其等為評判。出名騎呢嘅「口罩小姐」今集一樣唔例外,表現都有幾有睇頭,而且除罩後一樣出色,一文重溫5大最爆佳麗!

尾二一屆口罩小姐 ERROR四子繼續做主持。
ERROR四子繼續做主持。(圖片來源:Facebook@ViuTV)

唱歌表演 媚姨:「我都唔知你唱乜」

首集登場的佳麗表演其實相對地「正路」,而且大部分都唱得麻麻哋,令到媚姨一句「我都唔知你唱乜」變成百搭金句,當中仲有唔少人講棟篤笑,不過相對地尷尬!對比起上年有人拔罐、隔口罩吹牧童笛等,創意似乎有所欠奉!

尾二一屆口罩小姐 口罩小姐 一班佳麗搞到媚姨好忙呀!
一班佳麗搞到媚姨好忙呀!(圖片來源:《尾二一屆口罩小姐》截圖)
尾二一屆口罩小姐 口罩小姐 好似呢位講講吓自己喺度大笑。
好似呢位講講吓自己喺度大笑。(圖片來源:《尾二一屆口罩小姐》截圖)
尾二一屆口罩小姐 口罩小姐 不過都幾靚女!
不過都幾靚女!(圖片來源:《尾二一屆口罩小姐》截圖)

IG靚相:

尾二一屆口罩小姐
(圖片來源:IG@chupo_venus)

雖然好多都揀唔落手,但都有幾位佳麗都幾亮眼嘅

首集最突出5大佳麗

1)全職模特兒性感舞者

21號嘅佳麗自稱係一位全職嘅模特兒,而且仲幫評判之一嘅「藍仔頭」拍過嘢𠻹!雖然有友情分,但由於21號嘅強勁舞蹈,實在睇到「藍仔頭」、岑珈其以及程人富目瞪口呆,連肥仔都大呼「好勁」,最終成功入圍!

尾二一屆口罩小姐 口罩小姐
(圖片來源:《尾二一屆口罩小姐》截圖)
尾二一屆口罩小姐 口罩小姐
(圖片來源:《尾二一屆口罩小姐》截圖)

IG靚相:

尾二一屆口罩小姐
(圖片來源:ig@whl.jpg)

2)挑機193鼓女

061號佳麗上演了一場自己打鼓加唱歌嘅表演,雖然有啲唔啱節奏,但勝在難度分夠高順利入圍。但061最大嘅亮點,係佢堅持要揀加入阿Dee何啟華的隊伍,即使193開咪話佢唔尊重隊長肥仔,061亦堅持要揀阿Dee!夠膽向3爺直接挑戰,果然有膽!

尾二一屆口罩小姐 口罩小姐
(圖片來源:《尾二一屆口罩小姐》截圖)

3)少林足球張栢芝

佳麗030唔識踢波,唔識彈結他,跳舞似乎亦都唔太擅長,但佢今次竟然重演了一幕周星馳電影《少林足球》的「少林功夫加唱歌跳舞」,仲仿照埋電影入面張栢芝「玉面雙飛龍」嘅造型,勇氣可嘉最後成功入圍!

尾二一屆口罩小姐 口罩小姐
(圖片來源:《尾二一屆口罩小姐》截圖)
尾二一屆口罩小姐 口罩小姐
(圖片來源:《尾二一屆口罩小姐》截圖)

4)爆粗版糖妹

032號佳麗雖然身型嬌小,網民都大讚幾可愛添,睇落有幾分似糖妹!但結果佢竟然上演一首改編版嘅《愛情值日生》,當中加入了大量口罩元素,中間更疑似加咗句粗口,令節目組都要幫佢消音「嘟」咗一聲,由於佢夠晒淡定最後成功入圍!

尾二一屆口罩小姐 口罩小姐
(圖片來源:《尾二一屆口罩小姐》截圖)
尾二一屆口罩小姐 口罩小姐
(圖片來源:《尾二一屆口罩小姐》截圖)

IG靚相:

尾二一屆口罩小姐
(圖片來源:ig@kaka.wan_)

5)060西童又嚟玩?

60號佳麗身穿一件露腰Tee-Shirt上陣,佢唔係唱歌,亦都唔係跳舞,佢嘅表演竟然係橡筋射水樽!雖然表演冇乜睇頭,但都唔係重點,重點係佢居然喺強尼面前稱呼阿Dee何啟華做「ViuTV一哥」,場面尷尬到不得之了!

尾二一屆口罩小姐 口罩小姐
(圖片來源:《尾二一屆口罩小姐》截圖)
尾二一屆口罩小姐 口罩小姐
(圖片來源:《尾二一屆口罩小姐》截圖)
尾二一屆口罩小姐 口罩小姐 大膽!
大膽!(圖片來源:《尾二一屆口罩小姐》截圖)
尾二一屆口罩小姐 口罩小姐 當然唔畀你過!
當然唔畀你過!(圖片來源:《尾二一屆口罩小姐》截圖)

060入圍有方法?

雖然060獲得兩叉一圈理應被淘汰,但節目最後肥仔突然話希望060留低!然而,心水清嘅網民就認眼前嘅一切都只係一個局,推測060本身就應該「被安排」入圍,事關節目上騷出060的IG相時,網民一眼就睇得出係網紅西童,而且佢之前仲上過193主持嘅節目《戀講嘢》㖭!

即刻重溫西童嘅IG靚相同埋上《戀講嘢》講過啲乜!

尾二一屆口罩小姐 口罩小姐 戀講嘢 西童 西童
25歲的網紅西童現身節目,嚇到主持193要借視線來避嫌。(圖片來源:《戀講嘢》截圖)

撰文:東方新地圖片來源:《戀講嘢》截圖、ig@kaka.wan_、ig@whl.jpg、IG@chupo_venus、《尾二一屆口罩小姐》截圖、IG@westtung資料或影片來源:原文刊於東方新地