尾二一屆口罩小姐｜55歲參賽者表演騎呢「鼓術」入圍 193：黐線過我哋！
廣告
尾二一屆口罩小姐｜ViuTV的選秀節目《 尾二一屆口罩小姐選舉》再次吸引大批女士參加，戴住口罩令唔少女仔狀態大勇，比平時都來得更加大膽。昨日就出現一位55歲重量級參賽者，吸睛程度令193都大呼：「黐線過我哋！」
尾二一屆口罩小姐｜55歲參賽者表演騎呢「鼓術」入圍 193：黐線過我哋！
在昨日播出的《 尾二一屆口罩小姐選舉》中，一位年屆55歲的參賽者引起了眾人的目光，據她自稱長期在日本與法國從事演藝相關的工作，希望透過參加節目去提高知名度，令更多香港人都能夠認識。當193同肥仔聽到參賽者已經55歲之時，都大讚對方保養得宜，完全睇唔出已經年過半百。
騎呢表演夠晒「藝術」
之後她就開始表演自己的才藝，先是展示「胸鼓」，將兩嚿橙塞落胸部再進行敲打，睇到193眼都突埋，最後仲跌埋個橙出嚟…然後她就表演「頭鼓」，即是用頭部去擊打鼓，睇嚟十分之有料。最後仲大玩食字表演「股鼓」，呢位姐姐真係好有趣！連193都話：「仲黐線過我哋！」。姐姐最後再用：「係咪估唔到呢？」去做Ending。
再整多個唱歌表演
之後她用鼓去遮蓋身體部位，又唱又跳去表演才藝，更指：「希望大家戴住口罩都可以保持微笑。」，又指：「乜嘢罩唔帶都唔緊要，最緊要口罩！」。
評判一置好評
對於呢位姐姐如此跳脫的表演，193都大讚其表演是眾多參賽者中最深刻的一個。肥仔在評論環節都直接向姐姐表達致敬，認為她的表演十分之好。而193亦都大讚表演又好笑又有創意，令一眾評判都能留下一個深刻的印象。又指姐姐完全唔似55歲，十分之出乎預料之外。最後都一致通過進入下一round。
圖片來源：《 尾二一屆口罩小姐選舉》截圖
