79歲尹光被網民質疑抽水林明禎出「鹹豬手」 本人回應：我太太都在場
廣告
人氣急升叱咤「我最喜愛男歌手」10強的尹光最近出席「昂坪 360 x Polaroid 冬日炫彩聖誕」活動，同大馬女神林明禎合唱又預告二人將拍攝MV，勁有睇頭。點知活動合照環節中，79歲尹光竟被網民質疑抽水林明禎？！本人大方回應！
尹光被質疑抽水林明禎 出「鹹豬手」？！
「我最喜愛男歌手」10強尹光最近與大馬女神林明禎出席「昂坪 360 x Polaroid 冬日炫彩聖誕」活動，「雙B」喺合照環節中，可愛比大心心手勢，尹光將手擺喺明禎背後，點知明禎突然尷尬向後一縮。唔少網民睇完呢一幕都留言質疑尹光抽水，出「鹹豬手」！「擺明hi到邊，都無人出聲！」「本身想投尹光，原來佢抽水，而家轉投Anson Lo了，起碼佢唔會抽水女性」「放開個女仔！明禎BB 好慘」「人地當時個反應大到 好明顯就係你抽水啦」有女網民更認為事態嚴重完全無人保護明禎！
尹光大方回應：我太太都係度只係想叫佢行埋啲
對於抽水事件，尹光回應傳媒，指佢都幾十歲人，唔會諗呢啲嘢，當日就算拖明禎手都係明禎叫佢先拖，而掂到明禎背脊只係想叫佢行埋啲，強調太太都喺現場，會睇實佢。尹光仲大方表示佢唔會嬲，因為為把口生喺人哋度，人哋鍾意講乜，由得人哋講，佢做無過。睇返整個合照流程，明禎件衫似乎曾出現異樣，未知是否關事。
連登仔質疑係鏡粉帶風向：呢單嘢唔係咁簡單
最近叱咤「我最喜愛男歌手」邁向5強階段，競爭非常緊張。有連登仔分析事件，認為鏡粉開始帶動風向，影響尹光形象，如果真係發生抽水事件應該問返明禎本人「呢兩日好明顯有系統咁攻擊緊佢」「正常點會掂人波邊，你話屈咪話屈囉」「睇嚟啲鏡粉覺得有危機」「尹光都係手指肥姐」「光B 心諗 我都70幾歲人」
圖片來源：IG@cr881903、大會提供影片截圖、youtube＠Viu1 HK
