小薯茄高Ling晒隱藏技能挑機 鄭伊健嚇呆三秒後搞笑反擊
高Ling「雪櫃冷絕活」黃淑蔓 雲浩影交足戲
昨日在instagram「highlighter_channel 橫間道」平台內，po了一條題為「高Ling VS 浩南哥」的片，仲hashtag「#兩位揸fit人」、「#小薯茄挑機洪興社」同「#好叻咩」 ，似乎好重火藥味吓！呢條約半分鐘的片段，先見到好型、黑咗又瘦咗的鄭伊健，有人向他遞上手機話：「《小薯茄》老闆高Ling想表演佢嘅拿手絕活你睇！」一臉茫然的伊健呆呆吓點點頭，然後微笑拎起手機睇片，接下來輪到高Ling出場，旁白人士：「《小薯茄》老闆高Ling嘅拿手絕活！」戴著藍色帽眼鏡的高Ling兩秒表演完畢，呢個隱藏神技似乎係「吹唔響嘅口哨」，唔駛配音「自帶薯茄音效」！
型佬浩南哥上身：「鄭A面」
旁邊一堆扮圍觀嘅路人甲乙丙如程人富、Jeffery、肥蚊、朱米高、黃淑蔓和雲浩影等，即拍晒吓、擘晒口表現驚訝，鏡頭返嚟伊健身上，他睇完先係呆咗三秒(相信係唔知俾咩反應)，大笑後旋即灣仔揸fit人上身！勁sharp醒交戲：「好叻咩！… 我係鄭A面…」然後舉起左手吹了個響絕全場的口哨(只因身處位置好空曠)，雖然成功挑機鄭A面得啖笑，不過網民似乎唔收貨，留言問：「我睇咗啲乜呀？」、「嘥咗我幾十秒」、「我竟然loop咗幾次」等等，亦有網民大讚鄭伊健勁型！
伊健公然召喚麗英
其實呢個「highlighter_channel 橫間道」instagram，屬於寰亞唱片公司的隱藏ig，info寫上「現場直播、絕密花絮、後台、探班」等，觀乎它裡面的片，大多是為藝人宣傳演唱會等而拍，都幾富豐吓，其中一條10月25日上戴的影片，鄭伊健為《小薯茄》拍嘢的花絮，佢扁晒嘴咁問：「知唔知點解我日文咁差？」當大家即時聯想起他移居日本搞地產生意兼學日文的老婆蒙嘉慧時，他冷面笑匠上身：「因為見唔到麗英！」全場譁然，麗英俾伊健召喚好幸福呀！
「小薯茄」麗英為何拍洗頭水廣告會引起爭議？
「小薯茄」藝人麗英（鄧麗英），近來接拍了一個洗頭水廣告，卻惹來極大爭議，不少網民狂轟…詳情請看
麗英身材好勁?
麗英早前在IG出了一張泳衣照，引起網民的熱烈討論…詳情請看
