小栗旬事件｜「不雅照」風波燒到老婆山田優
廣告
早前日本男星小栗旬被爆出全裸唱K嘅不雅照，所屬經紀公司Tristone並未有回應之外，社長山本又一朗仲被爆料者教訓：「小又，好好教育你家藝人吧！」，而小栗旬結婚10年嘅老婆山田優IG都湧入大量網民攻擊嘅留言，但山田優心情好似並未有受到太大影響，可以見到無名指仍然戴住結婚戒指。
爆料者身分曝光
爆料者東谷義和Post出小栗旬全裸脫光底褲掛喺大腿嘅相片，引起全網瘋傳，而之後東谷義和嘅社交媒體帳號都遭到封鎖。東谷義和原本喺時尚品牌「QALB」嘅社長，喺娛樂圈人脈廣闊，不過早前因為陷入賭博而欠下＄3億日元（約＄1727萬港元）債務，又利用「防彈少年團」嘅名義進行詐欺，形象、社會地位盡失，演藝圈好友個個遠離，東谷義和為求報復而開設YouTube曝光藝人黑料。
山田優IG被網民攻擊
事件發生後，妻子山田優嘅IG都湧入大量網民攻擊：「妳老公居然是這種人～真遺憾」、「老公沒事吧？脫光唱KTV～」等等，但山田優心情好似並未有受到太大影響，除咗正常Post出品牌合作文章之外，對鏡頭比出停止手勢時可以見到無名指仍然戴住結婚戒指。
圖片來源：Twitter@GaaSyy_ch, IG@yu_yamada_
