富貴KOL雪姨深夜騷鋼管舞擘腿照 教人要知足 轉頭繼續買名牌
廣告
富貴KOL雪姨因早前「盆菜事件」形象一落千丈，當時她以酒店盆菜去力撼小店盆菜，再在影片中賣廣告，其做法受到網民討伐。後來雪姨再次嘗試拍片上水，不斷出片之際更是努力改過自身，甚至有一改以往搞笑性格，希望獲得網民原諒，不過情況都係無點改善，最新一條片已經係4個月前，教人車位投資。昨晚雪姨突然嚟個深夜大解放，po鋼管舞擘腿照，仲不斷搵返啲舊圖出嚟，網民「新招？」
雪姨po擘腿鋼管舞網民：驚慌度10
雪姨昨晚突然出stoy，po出一張擘腿鋼管舞的照片，指自己食完飯睇返自己的舊相，發現多年前的鋼管舞照片，仲強調「以前我條腿咁猛烈嘅咩？！」相片中雪姨著住粉色小背心，雙腿擘開，做出高難度動作。
大講感言：啲嘢帶唔走！
其後又放出多張回億照片，感慨自己之前成日去旅行、返到香港就跳下舞咁，個人無人無慮好開心。仲送上勉勵大家的說話「大家要記住，生活唔係活比其他人睇，誰也不用羨慕誰，生活從來都係你睇我好，我睇你好，人生真係匆匆幾十年，死嘅時候都帶唔走任何嘢，如果努力生活令人生更加精彩，當我老咗走嘅時候我都會好佩服自己能夠過一個精彩嘅人生，有經歷嘅人生先會精華」
轉頭即po連卡佛試身室買衫相
雪姨大講感言，不過有網民就認為呢番說話係富貴kol口中講出，都幾驚喜！因為雪姨其後除咗鋼管舞相，仲派出一張小蠻腰相，大騷小蠻腰之外，強調咩都帶唔走的雪姨呢張相係喺連卡佛試身室試衫的時候影，指自己當時試咗Alexander wang的背心，仲試完即買，果然係富貴KOL。
圖片來源：ig＠iamsnowwhitewhite
