【家務戰場】港女煮早餐災難！唔淥生炒麵硬過樹皮！古明華睇到火滾

【家務戰場】港女煮早餐災難！唔淥生炒麵硬過樹皮！古明華睇到火滾

ViuTV《家務戰場》最新播出一集講到，節目組安排王頌茵和邱晴要為大家煮早餐，一大清早，她們就被CK和小占嘈醒，王頌茵更不小心素顏出鏡，十分犧牲。王頌茵負責煮麥皮，邱晴負責炒麵。其實這兩款早餐一點難度都沒有，但竟然都考起佢哋。

王頌茵煮麥皮預錯份量，結果出來像芝麻糊一樣，杰撻撻。而邱晴更不得了，直接用水沖生麵，之後倒落鑊炒，望落硬過樹皮，完全食用不能。

 
難怪古明華睇到勁嬲：「表現直情係離譜，我簡直觀賞咗一個世紀煮食大戰，生麵就咁用凍水淋兩下，就話洗咗啲蠟，攞去炒，完全係錯，錯得好離譜，個鑊見到我就把幾火，燒到個鑊好似要爆咁，出煙出到火燭咁，黑色嘅變咗，我哋睇到火滾，唔係佢哋煮到火滾呀！」

網友也睇唔過眼，留言狠批邱晴：「假定蠢？」、「真係可以咁無譜」和「唔會諗吓點補飛。」不過亦有人為二人平反，覺得ViuTV間接抵毀香港女仔，有心水清得網友就覺得：「正正常常咁煮邊會有人睇，做藝人最緊要有迴響…宜家個個除非厨藝超凡，否則寧做地獄厨神，因為我地呢班觀衆咁樣反而會討論佢，先會更多人留意。」