宋智雅消失6個月後更新影片搬離豪宅全都變了

Jun 29 2022

南韓25歲網紅宋智雅因為戀愛真人騷節目《單身即地獄》而爆紅，初期有錢靚女嘅形象深入人心，不過後來被網友發現用嘅名牌都係假貨，所以佢將以前嘅所有YouTube內容同埋IG嘅相都刪除，消失咗幾個月無喺螢幕前再出現。時隔6個月終於喺YouTube貼出首部影片，佢嘅心態同作風都改變咗好多，曝光私下嘅面貌，坦言搬離咗原本居住嘅豪宅，投放咗更多嘅時間喺同屋企人嘅相處同埋自己嘅興趣上。

宋智雅南韓25歲網紅宋智雅因為戀愛真人騷節目《單身即地獄》而爆紅，初期有錢靚女嘅形象深入人心，不過後來被網友發現用嘅名牌都係假貨，所以佢將以前嘅所有YouTube內容同埋IG嘅相都刪除。 — 南韓25歲網紅宋智雅因為戀愛真人騷節目《單身即地獄》而爆紅，初期有錢靚女嘅形象深入人心，不過後來被網友發現用嘅名牌都係假貨，所以佢將以前嘅所有YouTube內容同埋IG嘅相都刪除。（圖片來源：[email protected]）

消失呢段時間十分想念大家

宋智雅喺6月27日於佢嘅YouTube個人頻道貼出咗一段日常Vlog，並喺影片下嘅文字區寫下：「粉絲們過得好嗎？我真的很想念大家，真的很緊張，希望大家看影片會覺得有趣。」影片中佢坐喺一張紅色沙發上面同粉絲打招呼，亦坦言好想念大家，就算到半夜都會打開粉絲嘅私訊，雖然好想進入聊天室同粉絲交流，但真係無勇氣面對大家。

宋智雅影片中佢坐喺一張紅色沙發上面同粉絲打招呼，亦坦言好想念大家，就算到半夜都會打開粉絲嘅私訊。 — 影片中佢坐喺一張紅色沙發上面同粉絲打招呼，亦坦言好想念大家，就算到半夜都會打開粉絲嘅私訊。（圖片來源：YouTube＠free지아）

生活大改變搬離豪宅

宋智雅亦喺影片中透露，已返到家鄉釜山同屋企人同住，並搬離豪宅「首爾林Trimage」。宋智雅笑著表示：「看到背景的變化，粉絲們應該很快就會發現，我搬家了，還有學了一直都想學的事情。」並表示最近嘅興趣係油畫。宋智雅透過短短9分鐘嘅影片交代近況，粉絲都開心回應：「終於等到妳更新了」、「既然道歉了，我也會為妳以後的路應援」。