宋慧喬Post深V艷麗活動照 原相近睇現老態
廣告
南韓40歲女星宋慧喬出道多年一直都以外表甜美同氣質優雅著稱，就算2019年因同宋仲基離婚而陷入低潮期休息咗1年，都無影響佢高人氣。近日身為品牌代言人而受邀到法國巴黎參加品牌活動，宋慧喬都係IG曬出Deep V黑裙性感活動照，不過零P圖正面照公開之後，亦都即刻引起網民熱議。
出席品牌活動成焦點
自2019年宋慧喬同宋仲基離婚之後，露面機會減少，亦將生活重心轉移喺演藝事業之上，而上年推出嘅電視劇《現正分手中》亦大受好評。近日無新作品嘅宋慧喬受品牌方邀請到法國巴黎參加品牌活動，活動當日宋慧喬以一身黑色深V長裙飄逸現身示人，唔單止一出場成為矚目焦點，品牌照嘅美貌更加係令網民讚嘆。
無P原相令網民震驚
網民喺宋慧喬活動上曝光嘅一連串相片入面，發現有幾張零P圖拉近、宋慧喬燦笑嘅幾張相同佢平時嘅凍齡美貌有啲落差，雙頰有明顯凹陷之後，法令紋亦都加深，網民都忍唔住表示「感覺有點變臉了」、「還是老了」、「笑容僵了」，不過亦有網民表示「皮膚依然白又好」、「妖怪才不會老，這個狀態已經很好了行嗎」。
圖片來源：IG@kyo1122, IG@chaumetofficial
