孫耀威 陳美詩

愛的故事最終章 孫耀威 陳美詩 溫馨婚禮

流行娛樂

廣告

孫耀威 陳美詩 (Macy) 拍拖8年,早在今年四月時,已經在美國註冊,兩人7月29日在佑寧堂舉行結婚儀式,招待近280位摯親好友,在眾人見證下完成人生大事。場面溫馨又感人,希望他們三年抱兩儘快人生愛的故事新一章!

text- 東方新地 edit-Cherie photo-微博、facebook、孫耀威IG、陳美詩IG、東方新地

孫耀威 陳美詩 大婚

孫耀威 陳美詩 拍拖8年多,早前宣布已在美國洛杉磯註冊結婚,昨日兩人假堅尼地道的佑寧堂舉行婚禮,孫耀威着上型格紫色西裝,而Macy則身穿低胸魚尾婚紗,配上價值逾500萬的珠寶首飾,兩人襯到絕! 孫耀威 在過百親友見證下為Macy套上婚戒、讀出誓詞,兩人當然唔少得係咁咀嘴啦!Macy終於成為孫太喇,恭喜恭喜。

孫耀威 陳美詩 結婚飲醉無洞房,嘥咗!

大婚完,第二日 孫耀威 就即刻到尖沙咀出席美容活動,佢自爆當晚不停被朋友隊酒,12點幾已經飲醉咗,連洞房都冇,真係嘥咗!反而太太Macy酒量好好,仲同班姊妹傾偈傾天光。佢又表示結婚後責任感大咗,覺得要盡一個男人的本份,希望將最好的都畀晒太太。孫耀威 又透露Macy將重返樂壇,成為2017年女新人,佢笑說希望太太成功,因為自己可以食吓軟飯!咁怕唔怕影響造人大計?佢就話最重要係Macy做到想做的事,自己會全力支持,認為對方可以兼顧事業和家庭。及後佢笑稱Macy從冇為自己煮過飯,覺得自己好慘!

二人去了主題樂園度蜜月

星級姐妹團

孫耀威 陳美詩 在教會有很多星級好友,包括王君馨、李亞男等,其中大住肚的凍齡女神鄺文珣也為Macy擔任姐妹。

雖然Eric說不心急生小朋友,但是其實他一早就表明自己很想當爸爸。他們的好友透露Macy也向好姐妹準備生第三胎的鄺文珣偷師,相信大家也很期待Eric的好消息。

 

孫耀威 陳美詩 拍拖8年 見證不離不棄的愛的故事

今年44歲的老孫與36歲的Macy,不經不覺已拍拖8年,兩人公開戀情以後一直相當恩愛,佢哋去到美國註冊又到澳洲墨爾本影結婚相,記錄他們愛的故事。老孫除了希望得到大家祝福,同時感激太太多年來對佢不離不棄,自己喺低谷時有對方扶一把。

三年前瑞士求婚

老孫接受訪問時,表示曾經有段時間唔太開心,覺得自己出道至今都好似冇腳雀仔四處漂泊,於是一次與Macy去瑞士旅行時,就喺一間對方好喜歡的甜品店,下跪求婚!老孫話原來已經係三年前的事,認真口密!其實孫耀威與女友陳美詩(Macy)拍拖多年,屢次傳出婚訊,早前Macy的生日,孫耀威就為女友準備咗驚喜生日派對,更如同求婚派對,令一眾傳媒都追問他們是否已經有計劃步入人生另一階段,誰不知原來一早已經求婚,相中見到兩人肉緊地咀嘴,非常甜蜜!

孫耀威曾經在愚人節上載驗孕棒,表示自己升格做爸爸,雖然大家都當是開玩笑,現在兩人已經結婚,希望下次老孫可以上載真實中獎的驗孕棒,希望Eric有好消息就儘快和大家公布吧!

早前Eric去到瑞士探望妹妹的小孩一副慈父樣出晒嚟!相信他將來也一定是個好爸爸!

YOU MAY ALSO LIKE ...