「嫩版黃宗澤」被爆周圍撩女 露骨對話截圖曝光

「嫩版黃宗澤」撩女啪啪啪﹗

有網民在討論區爆料指一名大台奀星，與女友分手後唔再搵拖友，專心撩女有親密關係，同期更有多於一位女性，當中更有係好後生嘅㖭﹗並附帶一條連鎖快餐店廣告連結，指他最近拍了新廣告﹗同時更貼出露骨私訊截圖﹗

撩女成習慣達兩年

疑似區俊賢的露骨對話中透露享受只與女伴有親密關係，而非拍拖，這個習慣已有一年多兩年，並指每一個性伴都令他獲益良多「學到好多嘢」又好支持佢，並透露「一個係dgs，一個係姐姐」。他又指大家都不想拍拖故保持現在親密關係﹗之後被問到「你又話TVB冇工比你開，你忙返part time？」佢答會自己爭取，承認自己在TVB工作﹗

對話截圖看到名字是Marco Au區俊賢，profile pic正是無綫新人區俊賢，但未知是否P圖﹗

創意總監C君力捧做J2ers

年約23歲的區俊賢是2021年第31屆無綫藝員訓練班學生，是在逾二千名報名中選出十五男十一女中之一員﹗青靚白淨成為同屆班草，被指同黃宗澤撞樣，有「嫩版黃宗澤」封號，皮膚白滑加上一對笑眼似Oppa李敏鎬﹗故能在同班同學中脫穎而出，不但有份參與回歸劇《曙光》，更被J2台創意總監C君（鄭詩君）揀中成為23位J2ers之一，機會多多﹗網民睇中其顏值，留言讚他可成為最有前途新晉小生，又指TVB今次執到寶等等﹗

為連鎖快餐店拍廣告

區俊賢最近為連鎖快餐店拍攝廣告，廣告中是一名中學生，同樣熱愛打籃球，他在IG留言：「好開心同好榮幸可以參與到今次大家樂廣告系列嘅拍攝，今次嘅拍攝俾機會我係中學畢業五年之後 再次做返中學生，搵返青春嘅感覺。喺短短兩日嘅拍攝入面，我識咗一班感覺好似已經識咗10幾年嘅兄弟，超好玩，感謝所有參與這次製作的台前幕後，感謝你們的包容和指導，才能夠完成這次的作品。」

區俊賢參加台慶開心到喊

區俊賢在IG發文講首次參與無綫台慶感受：「好感恩有機會同2021藝員訓練班嘅同學一齊參加TVB生日咁大嘅盛事。記得細個嗰陣每逢呢日都會同屋企人坐定喺屋企個電視面前睇唔同歌手、演員、明星嘅表演，真係從來都無諗過自己會有機會可以同佢地企係同一個舞台上面表演。原來嗰種感覺真係好神奇，尤其是當張振朗師兄講出自己訓練班經歷嘅時候，其他人未必會明。但經歷過訓練班洗禮嘅我哋絕對感同身受，熱淚盈框！訓練班嘅同學我哋一齊繼續努力💪🏻為自己嘅夢想奮鬥，加油！」