威威學星夢出簽名閃卡惹網民公憤：好重口味！

Q: 如何可以得到威威簽名閃卡？

近日，有網民分享他購買佳能保鮮袋時，同時... 即睇詳情

Q: 網民對於威威閃卡有什麼意見？

不少網民於討論區留言不滿威威帶口罩拍照「影硬照都要戴住個口罩」更有網民回應「除左罩... 即睇詳情

Aug 15 2022

早前，大家樂與TVB合作，推出「大家樂 x 青春本我」閃卡和「聲夢閃咭套餐」，但視乎宣傳效果麻麻，甚至更傳出滯銷的情況。近日，有網民發現「豬肉威威」劉宋威使用相同的宣傳伎倆，與佳能合作推出威威閃卡，不過有網民就留意到，早前Jeffrey魏浚笙曾同佳能合作賣廣告，難道威威熱潮從未減退，取代埋Jeffrey拿下廣告？

堅持唔除罩比心親筆簽名閃卡

近日，有網民分享他購買佳能保鮮袋時，同時獲贈豬肉威威閃卡一張。從閃卡中可見，威威一如既往帶上口罩，身穿藍色襯衫和佳能的圍裙，並伸手「比心」，似乎想以招牌動作迷倒一眾師奶。然而，背景則以簡單的黃色作襯托，左下角更印有威威的簽名。

威威網民提供的威威閃卡照。 — 網民提供的威威閃卡照。（圖片來源：LIHKG討論區截圖）

威威閃卡有市有價即放＄15！網民紛紛嘲諷稱「趕客」

消息一出，不少網民於討論區留言不滿威威帶口罩拍照「影硬照都要戴住個口罩」、「口罩小姐啲fd」，更有網民回應「除左罩個樣咁趕客，咪玩啦」，直指如果威威除口罩拍照效果更加差，甚至可能「除罩認唔到」威威。更有網民諷刺佳能市場部「Jeffrey果時唔出反而豬肉威出，個marketing阿姐幾都幾重口味」、「幫公司倒米」。亦有大量網民表示「好趕客，即刻唔想買佳能」、「見到張卡反而唔x想買」，更詢問「可否燒卡？」。

威威閃卡一出，已有網民於網上售賣，並標價$15，網民難道不看好威威閃卡的價值？

威威 Jeffrey早前為佳能賣廣告 — Jeffrey早前為佳能賣廣告（圖片來源：ig＠jeffreyngai）

重溫豬肉威威除罩即嚇走Fans？新紋身疑抄襲玩具

在近期的一個健康廣告中，威威終於決定除罩見人。盧山真面目露出之後都令一眾師奶十分驚訝：「原來威威係咁樣！」。佢仲話是次將會係佢第一次拍電視廣告，預告佢今晚要上電視，威威豬準備喺電視上見到威威！唔少威威豬即留言勁支持「好好呀，支持你，加油」「加油！努力！一定支持你！風雨同路見真心！！！」「威威好靚仔， I 心 U」「一定支持~」「唔帶口罩仲man 咗」。

不過似乎威威除罩後都不太討好，一除罩之後人氣開始下滑，而且之後威威都有繼續更新個人社交媒體，不過就好似冇乜人理會一樣。有網民認為威威已經「玩完」，炒作風波都已經正式完結，所以冇人理也實屬正常。