荃灣豬肉佬威威疑想出書洗底 負面消息令出版商即彈鐘？
廣告
荃灣豬肉佬威威因樣貌出眾，俾一眾師奶粉絲熱捧。爆紅後嘅威威喺youtube拍片教大家煮餸，密密接廣告。不過人紅是非多，有唔少網民爆出勁多威威嘅負面消息。有傳威威之前疑似做傳銷，又被爆狂串mirror同collar，疑似做過古惑，威威仲因為呢件事出片澄清，哭訴自己只係普通屋邨長大的人。不過似乎負面消息無影響威威搵錢嘅決心。近日有傳威威想出書，打算一洗形象，挽回一眾粉絲嘅心？
威威醜聞嚇怕出版社？
香港書展即將舉行，唔少才子都會藉此機會出書宣傳。近日有傳威威疑似都想展現自己才子嘅一面，打算喺書展推出自傳同烹飪書。同時亦有出版社睇中威威名氣，打算齊齊合作搵錢。點知出版社疑似因為威威醜聞縮沙，驚弄巧反拙，即刻叫停計劃。雖然威威亦有就緋聞澄清，並表示會尋求法律意見。但似乎未能俾到出版社信心。
網民建議書名：「劈出我天地」
網民紛紛留言諷刺佢出書行為「乜識字架」、「本自傳咪又係後面嗰團隊幫佢寫，你估條豬肉佬自己寫咩」、「得中四學歷佢無墨水寫喎，頂多夠出本畫冊或者切割豬肉的心得」。更有網民幫改書名「劈出我天地」、「如果可以為口罩令定一個期限，我希望係一萬年」、「庖丁解豬」。
重溫「知情人士」指威威拍片講大話呃師奶 大呼：收手啦！
有網民於討論區以及威威的黑粉專頁爆料激動指威威話自己唔係古惑仔之說法係講大話！指事實係威威係跟新x安，仲爆埋威威的大佬名同兄弟名出嚟，亦指平時啲人叫佢劉宋，唔係叫威威，佢係屋邨長大係真，不過佢真係一腳踏幾船呃女人錢，話威威以前就呃後生女，而家就呃師奶，叫佢收手，唔好再扮暖男，扮喊。
出版社疑似因為威威
人紅是非多，有唔少網民爆出勁多威威嘅負面消息。有傳威威之前疑似做傳銷，又被爆狂串mirror同collar，疑似做過…詳情請看
威威醜聞嚇怕出版社？
有傳威威疑似都想展現自己才子嘅一面，但是出版社疑似因為威威…詳情請看
圖片來源：facebook@除罩威威留餸區, ig@waiwai_608
