姜麗文靠運動走出抑鬱症 《踩過界2》首度父女檔鬥戲

流行娛樂

廣告

《踩過界2》一出街就成熱話,原因除咗承接第一輯威勢同原班人馬上陣外,新一輯加入咗唔少新血,新鮮感十足都係吸引力之一。不得不提闊別電視台多年後終於回巢嘅秦沛,仲有佢個已經入咗行十年嘅囡囡姜麗文(Lesley),今次係二人首次以父女檔喺電視劇同場演出㖭!

撰文:東方新地 | 圖:東方新地| 編輯:K.P(原文刊於:東方新地

姜麗文曾患抑鬱症 靠運動跳舞翻身

講開Lesley,識作識唱識跳又識演,個性愛笑又開朗,最緊要係近年愈戰愈勇自信大增,粉絲人數自然直線上升。其實Lesley唔止一次講過,當年同鄭俊弘拍拖六年慘被飛後,一度患上抑鬱症,意志消沉多年,後來全靠做運動至走出困局!做gym、跳pole dance、玩瑜伽、打拳、行山、玩wakesurf乜都啱,除咗身形變得更fit,亦更懂得愛自己,最終重拾信心笑容再現,才遇上現在的一百分老公Pakho,所有嘢一鋪番晒嚟,邊個話減肥淨係為咗瘦㗎!