姜麗文憑個人實力默默向上爬 暫別《愛回家》衝出香港拍荷里活大片!

流行娛樂

廣告

姜麗文近年憑《愛回家‧開心速遞》外傭「Lisa」一角入晒屋,令觀眾對其認識度都大增。台慶劇《星空下的仁醫》當中飾演病童母親,演技再獲肯定。雖然父親係演藝圈長老秦沛,但姜麗文不靠「父幹」以自己實力闖出一片天。

姜麗文憑個人實力默默向上爬 暫別《愛回家》衝出香港拍大片!

姜麗文 姜麗文憑住個人的實力,去年勇奪台慶頒獎禮「飛躍進步女藝員」。
姜麗文憑住個人的實力,去年勇奪台慶頒獎禮「飛躍進步女藝員」。(圖片來源:IG@lesleychianglove)
姜麗文 姜麗文多年的努力終於獲得認同,獲獎後喜極而泣。
姜麗文多年的努力終於獲得認同,獲獎後喜極而泣。(圖片來源:IG@lesleychianglove)

姜麗文現身美國洛杉磯

現年36歲的姜麗文,在無綫多年拍了多套劇,近年事業有起色,演技亦獲肯定,拎埋個台慶頒獎禮「飛躍進步女藝員」更加如虎添翼,日前姜麗文在社交網開心分享,上載了一張在外景車前的新相,透露已衝出香港正身在美國洛杉磯參與荷里活製作。

姜麗文 姜文麗日前上載一張近照,她身穿便服,手拿咖啡及劇本,站在外景車前的梯級上笑得好開懷。
姜文麗日前上載一張近照,她身穿便服,手拿咖啡及劇本,站在外景車前的梯級上笑得好開懷。(圖片來源:IG@lesleychianglove)
姜麗文 姜麗文留言透露已衝出香港正在美國拍攝新片:「我第一個荷里活角色﹗」
姜麗文留言透露已衝出香港正在美國拍攝新片:「我第一個荷里活角色﹗」(圖片來源:IG@lesleychianglove)

出戰荷里活感興奮

照片中的姜麗文站於外景車樓梯級,相中的她開懷大笑,手持咖啡和劇本,她留言說:「My 1st Hollywood role,So grateful for every opportunity that has come my way. How exciting is this?(我的第一個荷里活角色,好開心機會來到我面前,是否很興奮呢?) 」

姜麗文 姜麗文在為交網限時動態上載多張在洛杉磯的相片,其中一張有藍幕及綠色貼紙等背景,令人猜測新片似乎會有特技場面。
姜麗文在為交網限時動態上載多張在洛杉磯的相片,其中一張有藍幕及綠色貼紙等背景,令人猜測新片似乎會有特技場面。(圖片來源:IG@lesleychianglove)
姜麗文 愛閱讀的姜麗文又會去書店閒逛。
愛閱讀的姜麗文又會去書店閒逛。(圖片來源:IG@lesleychianglove)
姜麗文 仲會影吓洛杉磯的風景。
仲會影吓洛杉磯的風景。(圖片來源:IG@lesleychianglove)

新戲仲有特技場面!

此外,姜麗文又在社交網的限時動態上載幾張在洛杉磯的隨拍,其中一張疑似拍攝藍幕及綠色貼紙的背景,似乎她參與的荷里活新片會有特技場面。姜麗文更趁空檔閒逛書店及拍下洛杉磯的街景。對於姜麗文能進軍荷里活,不少圈中好友及網民紛紛留言恭喜姜麗文送上鼓勵,而姜麗文回應傳媒時就表示自己在片只是演一個小角色,不過她會代表亞洲人努力去做。

姜麗文 不少圈中好友在社交網留言祝賀姜麗文,包括陳茵媺及黃建東。
不少圈中好友在社交網留言祝賀姜麗文,包括陳茵媺及黃建東。(圖片來源:IG@lesleychianglove)
姜麗文 姜麗文精通六種語言,早年曾在東京生活兩年幾兼做過日本NHK兒童節目主持,人生閱歷都好豐富。
姜麗文精通六種語言,早年曾在東京生活兩年幾兼做過日本NHK兒童節目主持,人生閱歷都好豐富。(圖片來源:IG@lesleychianglove)
姜麗文 姜麗文近年憑無綫處境劇《愛.回家之開心速遞》飾演外傭Lisa)一角彈出。
姜麗文近年憑無綫處境劇《愛.回家之開心速遞》飾演外傭(Lisa)一角彈出。(圖片來源:IG@lesleychianglove)
姜麗文 早前姜麗文接受訪問自揭年幼時父親秦沛為爭一對子女撫養權,不惜傾家蕩產,亦因為這個原因,令姜麗文與哥哥姜文杰更加懂事。
早前姜麗文接受訪問自揭年幼時父親秦沛為爭一對子女撫養權,不惜傾家蕩產,亦因為這個原因,令姜麗文與哥哥姜文杰更加懂事。(圖片來源:IG@lesleychianglove)

首次擔正做主持

早前姜麗文與三姐(蕭秀香)為新煮食節目《三餸一湯》舉行開鏡儀式,可見姜麗文於《萬千星輝頒獎典禮2021》獲得「飛躍進步女藝員」一獎後,能夠首次擔正主持之位,終於靠自己拚出一番成績!

三餸一湯, 姜麗文
早前姜麗文與三姐(蕭秀香)為新煮食節目《三餸一湯》舉行開鏡儀式(圖片來源:FB@TVB 娛樂新聞台)

秦沛為囡囡變窮

姜麗文與父親秦沛感情深厚,早前在商台節目《1圈圈 星光背後》,姜麗文首度公開講親生母親:「我親生媽咪喺我1歲前已經走咗,我真係冇乜feeling,亦唔係嬲,爸爸為咗可以keep我同哥哥可以喺埋一齊,佢乜嘢都畀晒佢(生母),我非常之感恩,覺得爸爸好偉大。嗰陣86年,爸爸啱啱贏咗《 癲佬正傳 》金像獎最佳男配角 ,佢為咗我哋再變番窮喎!嗰時阿爸為養家咩都接咩都做,我哋喺片場見證住佢拍戲好辛苦,覺得佢真係無得頂!」

姜麗文日前接受商台節目訪問。
姜麗文日前接受商台節目訪問。(圖片來源:《1圈圈 星光背後》影片截圖)
姜麗文覺得爸爸秦沛非常偉大。
姜麗文覺得爸爸秦沛非常偉大。(圖片來源:IG@lesleychianglove)

姜麗文:佢係一個Long D爸爸

姜麗文表示,曾經睇住秦沛在高溫40度下拍古裝戲,兩兄妹深深感受到父親的偉大,所以無論兒時讀書或出來工作,他們都會更加努力,盡力做好自己。姜麗文與哥哥姜文杰自小在加拿大長大,因為秦沛要搵錢養家,經常與一對子女分隔兩地,談到父親與她的相處,姜麗文說:「其實佢係Long D爸爸,成日工作飛來飛去,不過佢成日都寫嘢同畫嘢,又會送禮物畀我哋,等我哋覺得佢成日都陪住我哋。」

姜麗文 秦沛曾為爭一對子女撫養權,花光所有興蓄。
秦沛曾為爭一對子女撫養權,花光所有積蓄。(圖片來源:IG@lesleychianglove)
姜麗文 姜氏兄妹從小看著爸爸辛勤養家,自然特別生性。
姜氏兄妹從小看著爸爸辛勤養家,自然特別生性。(圖片來源:IG@lesleychianglove)

姜麗文從不渴求名牌

姜麗文曾與哥哥姜文杰自資出碟,以歌手身份在香港出道,錢賺唔到生活拮据,他們都從來不向父親伸手:「爸爸實在太勤力喇,佢已經76歲,我憑乜嘢用佢多年嚟儲嘅錢呢?佢係咪應該用呢啲錢同我媽咪(指繼母)享受生活過二人世界呢?我到依家都未買過名牌,自己生存到就冇問題。」即使秦沛曾提議出錢畀姜麗文買樓做首期,她都拒絕。

姜麗文表示長大後從不伸手問爸爸拎錢。
姜麗文表示長大後從不伸手問爸爸拎錢。(圖片來源:IG@lesleychianglove)
為了實現歌星夢,姜麗文試過連60蚊的士多啤梨都買唔起。
為了實現歌星夢,姜麗文試過連60蚊的士多啤梨都買唔起。(圖片來源:IG@lesleychianglove)

耗盡20萬積蓄 連60蚊都俾唔起

當姜麗文回憶與哥哥姜文杰耗盡20萬積蓄,製作三首歌的EP,就更加點滴在心頭:「我咃除咗租錄音室,仲要請樂手,攝影師同拍MV……好快已經使咗20萬。第一年做新人,我哋只賺咗萬幾蚊,試過窮到去超巿,想買一盒好想食嘅士多啤梨,60蚊我都買唔起,最後喊住走,好彩阿爸唔知呢件事,嗰陣時真係好辛苦!」

姜麗文與哥哥姜文杰曾入行做歌手。
姜麗文與哥哥姜文杰曾入行做歌手。(圖片來源:東方新地圖片庫)
歌星唔易做,姜麗文入不敷支都頂硬上。
歌星唔易做,姜麗文入不敷支都頂硬上。(圖片來源:東方新地圖片庫)

被鄭俊弘傷透

對於主持重提患抑鬱症,姜麗文承認是因為失戀導致:「我嗰時都唔知自己患抑鬱症,覺得失戀唔開心好合理吖!不過嗰個係人生最大嘅失戀,OH MY GOD!嗰個痛苦係到依家都…..所以我拍《星空下的仁醫》隨時都可以喊得出,因為當時嗰個Hurt好大!(當中係咪包括對方出軌?)OH!好老實講,我到依家都真係唔知!唉!唔好講呢啲……我試過三次想死,就係有呢個病,我依家先識得更愛、更錫自己!」眾所周知,姜麗文患抑鬱症前曾與鄭俊弘拍拖多年,因為這次情傷,她試過4年冇拍拖,17年終於覺得自己準備好,在朋友介紹下認識現在的未婚夫Pakho,二人一拍即合,至今都未曾鬧過交。

姜麗文曾與鄭俊弘拍拖多年,當年鄭仍是二打六冇人識,與姜麗文出街都是女方畀錢。
姜麗文曾與鄭俊弘拍拖多年,當年鄭仍是二打六冇人識,與姜麗文出街都是女方畀錢。(圖片來源:東方新地圖片庫)
姜麗文自揭坎坷身世 生母走佬 感激父親傾盡身家爭撫養權
當年鄭俊弘都有同秦沛姜麗文行街。(圖片來源:東方新地圖片庫)

撰文:東方新地圖片來源:IG@lesleychianglove、FB@TVB 娛樂新聞台、《1圈圈 星光背後》影片截圖、東方新地圖片庫