姜濤激罕野外露出長腿跑步 震撼網民：真係有操腳！
廣告
ViuTV男團成員姜濤人氣爆燈，一舉一動備受關注。姜濤出席活動時造型經常都係由頸包到落腳，愛穿長衫長褲，就算係打籃球的運動造型都係包都實一實，雙腿好似一直係個迷咁，就連193都笑過佢！近日姜濤做運動竟然著上短褲仔，仲被網民成功捕捉到！
姜濤激罕被公開白滑雙腿
網民在網上公開2張撞見姜濤在街上跑步的照片，從照片所見，姜濤穿上一身清爽黑白色短袖運動裝，一改平時由頭包到腳的造型，更極罕有地露出大腿和小腿！不過，姜濤脫去厚重的衣服後更加凸顯其脹卜卜身形，小肚腩和粗壯雙腿一覽無遺，令網民大為震驚：「姜濤都幾大隻」「有練腳」「真係有操腳wo」「日日哈克深蹲？個4頭咁x實正」「有leg day 張繼聰學野」「好少見人淨做leg day」「嘩，見識到姜濤下面好粗呀！」「好似第一次見佢露腳」「好誇張」「好粗壯」、「唔怪得要收收埋埋着長褲」。
曾被193質疑雙腿是義肢
其實姜濤對於自己雙腳一直保持住神秘感，就連張繼聰和193等人都表示未見過！他們曾經在《爆谷一周》中與谷德昭、肥仔等人正討論腳毛方面的話題，眾人一講起姜濤，張繼聰即表示：「講還講，從來冇人見過阿姜隻腳！」谷德昭還呼籲姜濤自拍一張自己的雙腳做「呈堂證供」，193馬上直加把嘴笑指：「唔知佢嗰個係唔係義肢嚟㗎呢？」
圖片來源：viutv截圖、ig＠keung_show、ig＠louischeung2013
