姜濤露銷骨現身影視展全程不在狀態網民嘲似遞信辭職打工仔

Mar 15 2023

姜濤自傷腳後幾乎絕迹社交網，大家對其康復進度都十分關心。昨日姜濤終於現身，與MIRROR成員一起出席「香港國際影視展」，為首次十二子合體拍攝的電影《12怪盜》宣傳。除卻呂爵安、盧瀚霆正在日本拍攝電影《盜月者》外，MIRROR十子齊齊現身，並分享首套團體電影作品的感受，惟姜濤不時眈天望地又狂打喊露，被網民轟唔尊重場合及MIRROR成員！及後，姜濤出po疑似大反擊！

姜濤 MIRROR今日12缺2出席「香港國際影視展」的《12怪盜》發佈會 — 姜濤終於現身！MIRROR昨日12缺2出席「香港國際影視展」的《12怪盜》發佈會。（圖片來源：東方新地）

姜濤四字回應嚇窒司儀

MIRROR十子出席影視展，發佈會上，司儀問到每位成員對首次合體拍電影《12怪盜》有何感想？各成員都滔滔不絕，表示興奮及期待首次兄弟班拍一套電影，惟問到姜濤的感想時，姜濤簡以四子簡潔回應：「開心、期待」，令司儀似乎也沒料到姜濤答得如此精簡，變成句號人，表情錯愕！而當其他成員回答問題的時候，姜濤一直沒有正視前方，大部份時間以側面示人，未知是否想以三七臉示人會顯瘦！

姜濤姜濤今日好似心情麻麻，全程都冇乜笑容，接受訪問時又不斷遊魂。 — 姜濤不苟言笑，未知是否枊應廷Jer之前曾踢爆姜濤有偶包，不敢公開開懷大笑所致，但姜濤除了笑容欠奉，訪問時專注力不足，全程像遊魂一樣。（圖片來源：東方新地）

姜濤當問到姜濤對於今次拍攝團隊電影時，姜濤就簡單答咗兩個詞：「開心、期待」 — 當問到姜濤對於今次拍攝團隊電影時，姜濤就簡單答咗兩個詞：「開心、期待」（圖片來源：Youtube@Viu1 HK 截圖）

姜濤不斷周圍望。 — 姜濤不停深呼吸又不斷周圍望。（圖片來源：Youtube@Viu1 HK 截圖）

姜濤一直將視線放在地上，好似好冇自信！ — 姜濤不時以大側面示人，或嘟起嘴，令雙頰看來顯瘦，而視線大部分時間更是望向地下。（圖片來源：Youtube@Viu1 HK 截圖）

姜濤不停眈天望地頻打喊露

發佈會結束後，MIRROR成員接受媒體訪問，除了主力負責回答的正副隊長Lokman及AK外，大家都不時發言，而又默契地望向發言的成員，十分有默契。但站在後排靠側的姜濤看來不在狀態，像活在自己世界中，約5分鐘訪問中至少打7次喊露，看來十分疲倦。

大家都有講有笑嘅時候，姜濤就自己一個周圍望，同成員毫無交流。（圖片來源：Youtube@Viu1 HK 截圖）

姜濤一係望住地下，鏡頭下只見到佢頭殻頂。 — 一係望住地下，鏡頭下只見到佢頭殻頂。（圖片來源：Youtube@Viu1 HK 截圖）

姜濤姜濤於訪問中又不斷放蚊，眈天望地、心不在焉。 — 姜濤於訪問中又不斷放蚊，眈天望地、心不在焉。（圖片來源：東方新地）

姜濤眼瞓到不停捽眼！ — 眼瞓到不停捽眼！（圖片來源：Youtube@Viu1 HK 截圖）

網民狠批姜濤0尊「好似遞咗辭職信咁款！」

當被問到腳傷會否影響拍攝動作場面時，不斷遊魂的姜濤竟然呆咗幾秒，之後再反問成員們：「有動作場面㗎咩？」Lokman見狀馬上幫手代答：「有（動作場面）嘅，但都會就吓嘅，因為都未好返曬啊嘛。」網民對姜濤做訪問狂打喊露引起激烈討論，狠批姜濤出席年度影視節，對大會及MIRROR毫不尊重，「0尊代表」、「佢好似唔想撈咁款，係咪諗住解約？」、「佢啲行為咁似打工仔遞咗信嘅真實情況，話之你！」、「激似辭咗職嘅員工，惡晒！」。

記者點名問姜濤，佢如夢初醒回答，MIRROR成員都齊心幫手遞咪，視線都係望實姜濤以示尊重。（圖片來源：Youtube@Viu1 HK 截圖）

姜濤霸氣回應打喊露！？

姜濤在IG即時動態貼出自己在發佈會的片段，片中的他不停兩頭望、玩手指，網民解讀姜濤是回應打喊露事件，不過網民就指「仲細咩扮可愛玩手指﹗」、「佢咁有自信放自己又肥又腫嘅片」、「佢好似話畀大家聽，吹咩？我唔止打喊露，我仲玩手指，反白眼」、「A0好純情」等。

姜濤上載的片段中看到，他不停兩頭望，完全沒有理會成員正在訪問，自己在玩手指！（圖片來源：IG＠keung_show）

MIRROR大賣關子鬼馬透露《12怪盜》電影大綱

雖然Maker Vilie早前公佈了《12怪盜》海報和造型照，不過對新戲的大綱和主題都隻字不提，令不少鏡粉都表示非常好奇電影的內容。當被記者問到《12怪盜》電影大綱時，MIRROR正副隊長Lokman同AK就大賣關子，搞Gag鬼馬透露《12怪盜》電影大綱：「怪盜都係鋤強扶弱、維護世界宇宙和平、消滅巴魯坦星人啊，嗰啲都應該關我哋事嘅。（超級英雄嚟嘅？）都未咁犀利嘅，英雄啦，未到超級英雄嘅。」

姜濤 MIRROR隊長Lokman大賣關子，搞Gag鬼馬透露《12怪盜》電影大綱 — MIRROR隊長Lokman大賣關子，搞Gag鬼馬透露《12怪盜》電影大綱。（圖片來源：東方新地）

姜濤 AK早前透露自己在電影負責「偷心」 — AK早前透露自己在電影負責「偷心」。（圖片來源：東方新地）

導演有拍群戲經驗拍過《YOLO的練習曲》

今次《12怪盜》為MIRROR全員同為主演的電影，MakerVille就請到曾經有拍群戲經驗的導演何國敏執導。導演何國敏在2021年曾經為ViuTV拍攝過集結20位頂級網絡女神的《YOLO的練習曲》，劇情以虛構電視台偶像組合YOLO為主線，不過唔少網民都話《YOLO的練習曲》劇情結構鬆散，可被列入為「ViuTV五大最差劇集」，唔知道今次《12怪盜》又會拍成點呢？