好青年荼毒室︳豬文3點分析姜濤咪嘴事件 連登Haters都駁唔到？！

好青年荼毒室︳豬文：莫道你在x seven人，人亦能x seven你？

youtube頻道《好青年荼毒室》豬文以「莫道你在x seven人，人亦能x seven你？」為題，再以3大點分析姜濤反擊網民咪咀事件，分析公眾人物究竟可唔可以回應大眾的負面評論、大眾可唔可以批評公眾人物以及各自有咩道德責任等。

好青年荼毒室︳你可以指名道姓我不可以指名道姓？

第1點－「你可以指名道姓我不可以指名道姓？」內容解釋公眾人物同普通人因為權力上的不對稱，而對公眾人物的道德要求都會較高。豬文以官員作列子，解釋「愈紅的人因為能力更大，責任都更大」明星擁有強大的動員能力，一句說話殺傷力已經不同於大眾，所以對其言行有較大限制似乎都係合理。如果公眾人物刻意濫用咗呢種能力係邪惡，無意則等同無知。

好青年荼毒室︳第2點食得鹹魚抵得渴

第2點－「食得鹹魚抵得渴」豬文指每當有公眾人物講到自己難處時，總會有人以「食得鹹魚抵得渴」為理由，認為公眾人物係必須承受呢啲壓力同痛苦。但明明所謂應該「要承擔的壓力」係無明確係界線，從來無客觀答案。

好青年荼毒室︳第3點理想的網絡文化

第3點－「理想的網絡文化」，通常有幾個成日都會講到的「網絡文化」，例如「盲撐、盲插」即係盡量以事論事，客觀評論、「多關心作品少關心人」嘗試解釋作品好與唔好的理由，唔係純粹批判創作姐的人格或者感覺、「建設性評論」能講到作品的好同埋唔好本身就係有建設性的批評，最後豬文總結叫大家學吓做一個有point的人，以作品論作品，網絡同作品都應該會更美好。

好青年荼毒室︳游學修留言：好長，唔想睇！豬文搞笑回應暗寸姜濤？

《試當真》主理人之一的游學修留言「好長，唔想睇，x你老x」豬文寸咀搞笑回應「我唔努力練字點寫到咁長呀x你老x，日日掛住善良四子個名周游列國，估唔到都係欺凌者，你以後叫偽善良四子啦x！」

好青年荼毒室︳網民大讚豬文好中肯 姜濤只係一個突然紅咗的小朋友

唔少網民都大讚豬文中point又中肯「寫得好好，好中肯。」「即使係普通人 唔代表對自己嘅網絡言論唔需要負責」「終於有篇正常啲嘅討論，好多地方流於情緒發洩多過探討」

亦有網民認為姜濤只係一個突然紅咗的小朋友，唔駛次次講錯嘢都要一踩再踩！「利申純對號入座+討論 非某粉某糖，唔知係咪因為同姜濤同年+追左kpop多年對idol有啲諗法，我好似特別可以同佢呢個角色有共鳴，所以每次睇到啲人四起攻擊佢身型/言論/唱歌嘅時候，我都覺得好可惜。我覺得大家成日喺佢身上加一啲唔合理嘅期望，然後佢做唔到就x 9佢。諗返轉頭，其實佢只係一個參加唱歌比賽突然紅咗嘅𡃁仔，完全冇社會經驗就俾人推上神枱。但就係因為佢紅，所以大家就開始塞那來嘅標準落去，比如要瘦/要次次唱歌都perfect/唔可以講錯嘢。但大家係唔會將呢啲標準塞落其他人，譬如193講嘢x街（燒啲product比fans)，大家xx下就當串串貢係佢style。相反姜濤每次錯一樣嘢之後道歉，大家只會繼續針佢以前同而家犯過嘅錯。我唔覺得一個公眾人物就要老馮受批評（特別人身攻擊），我都覺得somehow係要承擔啲公眾責任。但其實佢都係無意中俾人擺上神枱嘅𡃁仔姐，聽佢成長背景都冇咩同人相處嘅經歷，咁佢可能真係冇乜能力承擔起個「公眾責任」呢？起碼我見佢每次錯完一樣嘢之後都冇錯返同樣嘅嘢，唔使次次講錯野都要一踩百踩掛？佢都叫有啲誠心去面對返自己做過嘅錯」

好青年荼毒室︳連登仔都駁唔到：亞洲社會明星真係好重道德枷鎖

唔少連登仔睇完豬文個分析後都表示駁唔到，認為姜濤唔係真係小氣，今次真係因為心理治療師問題，同埋認為相比起外國，亞洲社會的明星重道德枷鎖真係重好多「姜濤唔係小氣唔話得，佢年頭深潛後已經話大家批評得好，希望大家繼續指點，然後出咗dummy自嘲自省，今次阿姜咁大反應，就係因為嗰位所謂心理治療師原來都會未經fact check就亂up帶風向話佢咪嘴，繼而佢呢個留言就引申二千個留言繼續x姜濤咪嘴，最後先撩者賤 打死無怨，明星都係普通人 絕對有權反擊，不過亞洲人社會明星真係好重道德枷鎖」