好青年荼毒室丨上水回應「鹽叔偷食事件」3大要點 網民:唔想你哋解散!
好青年荼毒室︳成員上水拍片分享感受
Youtube頻道「好青年荼毒室(哲學部)」因鹽叔偷食事件而暫停出片一段時間,近日終於上水交代返整件事,片主題為「我們的想法」。片中有6位荼毒室成員老師、黎樂、四哥、白水、廸廸仔同埋洪恩,各人分享對鹽叔偷食事件的睇法同感受。成員白水坦言喺爆出事件一個月前已經向鹽叔了解事件,作為朋友都想同鹽叔一齊去面對同埋解決事件,點知發現鹽叔對佢哋都隱瞞好多嘢,同埋講咗好多大話,令到大家都對鹽叔失去咗信任。
好青年荼毒室︳3大要點1. 鹽叔退出荼毒室原因
白水亦大爆喺呢件事的過程中,佢哋同鹽叔起咗一個好嚴重的衝突,嚴重地破壞咗大家之間的友誼,所以好難再合作落去,鹽叔自己都明白,所以最後出咗鹽叔退出呢個結論。
好青年荼毒室︳3大要點2. 成員都表示難過:「信任真係好重要」
其後各成員都表示最難過係同鹽叔的關係變咗質,白水表示搞荼毒室過程中經歷咗好多嘢,變到大家之間好防避大家,好多芥蒂同猜疑。發生咗呢件事後,遇到好多外界的批評同言論,大家非常驚慌,開咗好多次會,面對好多壓力同煎熬,希望嚟緊未來可以重新建立返同室友同大眾的關係。
好青年荼毒室︳3大要點3. 荼毒室暫時一段時間 反思點變得更好
最後黎樂表示鹽叔退出有一定的影響,亦的確需要好多時間同心力去回復返荼毒室,「好青年荼毒室」會停一停變得更好,盡力做返哲學普及呢個目標。
好青年荼毒室︳網民表示心痛 支持荼毒室重新出發
唔少網民對於荼毒室成員因為「鹽叔偷食事件」因而面對咁多問題同壓力都戥佢哋唔抵「其實做錯嘅明明唔係你地,但偏偏受咁多壓力,批評,仲要出嚟交代,真係替你地心痛難過。希望你地撐住,重新出發」「其中一個成員信用名聲破產,唔代表成個團體信用名聲破產。面對關係缺失,團隊間學習更多關懷感受、情感支援。繼續做你哋想做既,觀眾有明辨是非能力。賽翁失馬,焉知非福。此事不防礙我繼續支持你們。」「好心痛,見到佢地咁頹」「加油呀!荼毒室!」
完整片段!
「好青年荼毒室」鹽叔被爆偷食出軌?
事源係鹽叔喺一啲活動中認識咗一位女仔,然後隱瞞自己已婚,同咗個女仔一齊,後來當個女仔有懷疑時仲繼續呃個女仔,搞到對個女仔造成好大的傷害。佢被爆出後發出聲明,承認自己做錯事,並表示決定即時停止自己於荼毒室的活動…詳情請看;近日更有疑似受害人繼續爆料,以千字文爆鹽叔一個大話冚一個,更爆出驚人內幕,話佢曾墮胎兼趁老婆大肚出軌,惹來網上熱討…詳情請看
「好青年荼毒室」還有什麼醜聞?
林明禎早前上Youtube頻道「好青年荼毒室」接受訪問時,談及到自己學習廣東話的難處,其中講到曾經因為語言問題,而在拍攝《飯氣攻心》時遇上困難。當林明禎問到在場兩位主持有否看過《飯氣攻心》時,其中一名主持頌頌竟然話「準備睇」,令林明禎呆咗幾秒,之後先扮喊回應…詳情請看