Nathan魏念恩丨民選4大新世代絕世好男人！網民：因為Nathan先知咁多好仔

Jul 19 2023

Nathan魏念恩丨近日岩岩宣佈退選《全民造星5》嘅參加者Nathan魏念恩嘅事件搞到滿城風雨。Nathan前女友早前輕生，其後家人大爆Nathan曾多次向前女友借錢並提出分手。消息一出Nathan形象大跌，被一眾網民大罵佢係渣男同「軟飯王」。不過喺魚龍混雜嘅娛樂圈亦有好多出名嘅好仔。近日，有網民喺討論區大讚4位男明星專一，紅左都唔拋棄糟糠，一齊嚟睇吓係邊個！

Nathan魏念恩 Nathan 好男人有網民喺討論區大讚4位男明星專一。示意圖） — 有網民喺討論區大讚4位男明星專一。（示意圖）（圖片來源：《逃學威龍2》劇照）

民選絕世好男人丨1 Jeffrey魏浚笙

近年人氣急升的Jeffrey不單止係歌影視都有唔錯的成績，更被網民譽為絕世好男人。Jeffrey和女友Evelyn雖然相差4年，但一直感情穩定，已經拍拖7年。Jeffrey亦會不時係公開場合大曬恩愛。早前Jeffrey喺節目上大讚自己女友有內涵，出口成文。佢更表示：「對另一半係要有承諾，沒有人想做另一半要匿匿埋埋，對於對方其實不公平，身為男人要公開。」，仲計劃希望可以喺30歲前結婚。難怪女友有滿滿嘅安全感。

Nathan魏念恩 Nathan 好男人 Jeffrey與女友Evelyn生活照。 — Jeffrey與女友Evelyn生活照。（圖片來源： ig@littlepieforyou）

民選絕世好男人丨2 Lokman 楊樂文

MIRROR隊長Lokman一出道就即刻公開自己女友Luxi，現時佢哋拍拖7年，生活一直好甜蜜。Luxi經常公開讚男友做野有交帶又稱職。而Lokman亦表示自己同女友係以結婚為目標一直努力。早前，超有儀式感嘅Lokman喺520送花比女友，一度令網民誤會以為好事近。不過，女友Luxi之後澄清返，仲分享Lokman曾經有整手作卡送比自己，大讚男友有心思。兩人認真sweet sweet。

Nathan魏念恩 Nathan 好男人 Lokman與女友Luxi生活照。 — Lokman與女友Luxi生活照。（圖片來源：ig@luxi_yw）

民選絕世好男人丨3 Stanley邱士縉

另一MIRROR成員Stanley不時同女友Alina大派閃彈，仲經常一齊拍片分享生活。拍拖6年嘅佢哋已展開左2年哋同居生活。Stanley不時公開讚女友有時尚觸覺，會幫手襯衫。而Alina亦會滿足男友，不時贈送小禮物。早前兩人為慶祝六週年預訂左日式高級餐廳食Omakase和法國餐廳，超有儀式感。Stanley更係影片表示希望大家長長久久：「如果要我喺愛你加個期限，我會話係一萬年；如果要我喺我對你嘅愛加個符號嘅話，我會係打橫嘅8（∞無限）。」。雖然佢哋經常吵吵鬧鬧，不過相信呢個係佢哋增進感情嘅方法。

Nathan魏念恩 Nathan 好男人 Stanley與女友Alina生活照。 — Stanley與女友Alina生活照。（圖片來源：ig@alinaln_）

Nathan魏念恩 Nathan 好男人 Stanley對女友的宣言。 — Stanley對女友的宣言。（圖片來源：youtube@Alina Lee 李炘頤）

民選絕世好男人丨4 Tyson Yoshi程浚彥

Tyson Yoshi與女友Christy相愛多年，感情一直超穩定和恩愛。兩人經常係社交平台放閃。Tyson Yoshi經常大讚女友好溫柔又有耐性，而且百分百接納自己，等Tyson Yoshi可以真實咁做自己。而Tyson Yoshi嘅成名歌就係為女友量身而作，歌曲名更以女友名命名《Chirsty》。當然，Christy一直十分支持男友嘅音樂事業，又會經常現身男友演唱會，可謂兩人幸福滿瀉。雖然Tyson Yoshi曾承認自己之前情史豐富，但自從佢同Christy拍拖後十分專一，更表示希望同女友結婚生仔。遇上對嘅人果然係唔同啲。