ViuTV女團COLLAR成員正式出爐 即睇你撐嘅人選有冇份啦！

ViuTV女團Collar成員正式出爐 即睇你撐嘅人選有冇份啦！

Gao

高超的舞藝技巧令其成為大熱黑馬，成功進入《全民造星IV》總決賽，最後更加取得亞軍的佳績。Fans都接示只要Gao一跳起舞嚟，就直接變咗一個人似的，簡直Charm爆！

Marf

一路過關斬將的大熱人選Marf，靠著個人獨特魅力殺進決賽，最後更加奪得冠軍頭銜。Marf在比賽期間就已經獲得極高人氣，不少奢侈品牌就已經搵佢拍廣告，認真夠紅！

Day

年紀輕輕的Day同樣在《全民造星IV》開始初段已經累積大量人氣。在韓國做過練習生的經驗令到Day有更好的舞台掌握力，入型入格的她亦成功衝擊總決賽，奪下季軍。

芯駖

芯駖亦是今次的大熱人選之一，雖然今年已經35歲，但是她在樣貌和身材上都完全唔似35歲！雖然比起同團女仔的年齡大一些，但她卻更能夠Carry到成熟的女人韻味！

Ivy So

超高顏值的Ivy So入選也是正常，雖然唱歌和跳舞水平都不算太高，但其勝在顏值夠高和可愛。而且在決賽時所帶來的表演十分有意思，令到Fans數都大增。相信在未來都能在女團中成為一個開心果。

WINKA

在比賽中已經大展歌喉的Winka，憑著歌聲在比賽中突圍而出，而且唱歌時的爆發力亦相當之高。相信她在女團當中的定位絕對是唱歌，而舞蹈方面就要繼續努力啦。

Candy

只有19歲的Candy雖然一直實力都平平，但是憑著努力去不斷進步，成功打入決賽。而她的個人魅力亦成功吸引一堆Fans，令其成為女團熱門候選人，最後都成功打入女團。

So Ching

本來的跳舞老師的So Ching，在節目時都已經十分有觀眾緣。除了跳舞了得之外，其唱功其實也不差。而令人估唔到嘅係，佢嘅Rap實力也相當不錯，在未來絕對有很好的發展潛力。