無綫神劇《天與地》10周年 盤點劇中7大神級金句 你最記得邊句?

電視

廣告

無綫神劇《天與地》早在2011年首播,至今不經不覺已10周年,雖然當年因劇情踩界(涉及人性、倫理、道德、政治),且與一般無綫劇不同,以使當年首播收視不理想,但劇集的口碑卻一傳十、十傳百,再加上劇中金句多多,從而成為網友個個嗌「走寶」,就連劇集主題曲《年少無知》亦橫掃多個香港樂壇頒獎禮的大獎,「如果命運能選擇」更是唱到街知巷聞;事不宜遲,現就同大家一齊重溫劇中金句吧!

撰文:Nam|圖片來源:無綫劇集《天與地》截圖|編輯:HM

《天與地》首播10周年 7大神級金句逐句數

《天與地》中,最為網民熱愛的自然是涉及政治的「抽水」,句句精彩,不能盡錄,以下先選7大金句位和大家回味。

1.做人唔係本來就應該係咁嘅咩?

Dr. Dylan(Joe Junior):「獨立嘅精神、抗拒建制、自由、愛、勇往直前,其實何止係Rock & Roll,乜我哋做人唔係本來就應該係咁嘅咩?」

(圖片來源:無綫劇集《天與地》截圖)
(圖片來源:無綫劇集《天與地》截圖)

2. 政治世界就係污糟邋遢嘅世界

劉俊雄(林保怡):「無論係香港定世界任何一個地方,政治世界就係污糟邋遢嘅世界,從政手段就只有卑鄙、奸詐,除咗呢樣,就只有更卑鄙、更奸詐。大家如果想得到公義嘅話,我可以話比大家聽,一個公義嘅人,絕對、亦無可能幫你哋達到目的。你哋唔好再自己呃自己,你哋只可以靠一啲自私嘅人,當嗰啲自私嘅人得到佢得到嘅嘢,佢滿足咗之後,先會企出嚟為你哋爭取你哋所想。呢個世界就係咁醜惡,我哋要面對現實,先至可以行我哋嘅路。大家企出嚟睇吓我哋嘅世界,呢個就係我哋嘅世界,呢個就係我哋嘅選擇。」

(圖片來源:無綫劇集《天與地》截圖)
(圖片來源:無綫劇集《天與地》截圖)

3.啲無良大財團,攞咗啲舊屋村商場嚟做

Cloris(李思雅):「係佢大大聲聲趕個阿婆走架,我幫人討個公道咋喎。俾人拉咪俾人拉囉,仲好啦,搞大件事,等多啲人可以知道而家啲老人家有幾慘。喺個商場度,想搵個位休息下,咁就俾個管理員趕走喇。呢啲叫助紂為虐呀!嗰啲無良大財團,攞咗啲舊屋村商場嚟做,之後就拆哂原本俾人休息坐嗰啲櫈。裝修、加租、搶錢、搶生意,咁咪難為咗入去商場避風避雨嘅公公婆婆囉。」

(圖片來源:無綫劇集《天與地》截圖)
(圖片來源:無綫劇集《天與地》截圖)

4. 議員又講錯字,又有懶音,又亂講英文

何Sir(鄭子誠):「厲害厲害!詞鋒銳利,字字鏗鏘。我上個禮拜睇立法會直播,議員又講錯字,又有懶音,又亂講英文,如果當日選咗你入去,娛樂性一定豐富得多。」

(圖片來源:無綫劇集《天與地》截圖)
(圖片來源:無綫劇集《天與地》截圖)

5. 食蛇宴、摘荔枝

工會職員Alfred:「人哋啲大型工會組織,佢哋啲活動就好喇,食蛇宴啦、摘荔枝啦,買啲平價米、平價油咁樣。我哋淨係可以搞家居電器維修興趣班咋!點樣join人呀?仲話join多啲人,心照啦!」

(圖片來源:無綫劇集《天與地》截圖)
(圖片來源:無綫劇集《天與地》截圖)

6. 和諧唔係一百個人講同一句說話

葉梓恩(佘詩曼):「今晚喺呢度,我呼籲警方、外邊嘅市民、所有傳媒,無需要恐懼我哋嘅聚集。因為喺呢度,每一個支持同追求獨立音樂嘅人,他們都代表住每一種獨立同自主嘅做人方法。呢啲並唔係唔和諧嘅表現。和諧唔係一百個人講同一句說話,和諧係一百個人有一百句唔同說話之餘,而又互相尊重。」

(圖片來源:無綫劇集《天與地》截圖)
(圖片來源:無綫劇集《天與地》截圖)

7. This city is dying, you know?

Dr. Dylan(Joe Junior):「你睇吓我哋呢個世界,睇吓我哋呢個城市係乜嘢樣,除咗錢呢個字之外,我哋已經分辨唔出是非黑白,我哋每個人都被環境訓練到,好似倒模出 嚟咁。鍾意食同一樣嘅嘢、鍾意同一樣電視節目、支持同一種政治立場,信奉同一種生老病死嘅做人方法,this city is dying, you know?」

(圖片來源:無綫劇集《天與地》截圖)
(圖片來源:無綫劇集《天與地》截圖)