大J「完整版植髮」造型曝光：成個騙徒樣出曬嚟！詳細紀錄心路歷程
光頭造型大J突然做植髮手術
YouTuber大J一直都係光頭造型，大概4個月前突然宣布自己去咗做植髮手術，仲拍埋片講述手術過程。大J介紹植髮手術前後連埋介紹需時大概6個鐘左右，而成個手術最痛的時候就係於頭皮打麻醉的時候，打咗6支麻醉，手術完成後即日可以回家。好多網民都留言支持大J「不論係直髮定整，最緊要都係可以令自己對自己更有自信。為大J加油，未來加吧勁去繼續保養」「真心恭喜你尋回自信」「不管有沒有頭髮，有自信最重要」不過都有網民覺得手術好恐怖「多謝大J讓我更加堅定自己繼續光頭好啦，術完真係好恐怖」
大J不斷紀錄自己的「髮型轉變」
做完植髮手術的大J，一直喺社交平台上分享手術後的「髮型轉變」，指自己植髮嘅部位係集中喺前頭部，後面的頭部份係會相稀薄，所以預咗要「剷短嚟掩飾」。而且表示自己開始服用藥物去幫助生髮，食咗2個月之後地中海有返頭髮。唔少網民都非常關注大J會唔會成功。
網民期待轉變 不過認為光頭已成為大J標誌
大J植髮90日後，表示自己要開始修理吓，點知變咗「民工頭」，仲話自己對上一次去髮型屋剪頭髮已經係20年前的事。去到9月時，大J就表示自己收到好多人同佢講話都係光頭襯佢多啲，不過佢表示想enjoy多排，仲話「好耐冇感受過有風吹埋嚟嘅感覺」唔少網民都留言認同「認真，光頭好睇好多」「光頭可以直接感受風吹埋嚟」「光頭反而睇落後生啲」「光頭先係你」「光頭都可以咁好睇你算係其中一個」不過都有網民支持佢「最緊要自己喜歡」「支持你有頭髮」「有頭髮可以選擇光頭 冇頭髮就只可以光頭」「期待你可以留到長到分到界，加油」
「完整版植髮造型」曝光 網民：成個騙徒樣出曬嚟
近日大J拍咗新片講日本每月生活費，曝光自己最新「完整版植髮造型」，網民仲留言笑大J已經要開始要買髮泥。不過對於大J的新髮型，網民都偏向支持大J都係光頭「退訂啦，睇得好唔慣」「唔好怪我直接，真係成個騙徒樣出曬嚟」「成個馬會阿叔咁」「佢個頭灰灰地又有鬍鬚成個奸角咁」「你都係光頭算啦」「點解仲老左，光頭仲好睇重」不過都有網民支持大J的新轉變「幾型」「都幾成功」「幾似架仔」「光頭佬嚟講植到咁算幾好效果啦」
