ViuTV新劇「田牧CP」解散 Edan變配角 疑竟因為Anson Lo助攻?

流行娛樂

廣告

ViuTV早前已傳出搵原定《大叔的愛》班底開拍新劇《百萬同居計劃》,粉絲們都期待已久。終於開拍無耐,就是非多多,最期待的「田牧CP」竟然解散,Edan疑變為配角,戲份大減,甚至無份演出?原因竟因為Anson Lo的關係俾人搶戲份而改變陣容?引起唔少「爵屎」不滿!

Edan回應被陳漢娜搶戲份傳聞

另外曾擔任Anson Lo盧瀚霆 《不可愛教主》MV的Hanna陳漢娜,二人因合作而相熟,早前忽然傳出陳漢娜央求Anson Lo能安排她加入新劇演出,導致Edan不滿戲份被刪減,憤然辭演,Edan即以「想笑死我咩」的搞笑「吹脹」相出post,疑似隔空回應傳聞。

 大叔的愛 陳漢娜早前因演出ViuTV劇集《IT狗》而人氣急升。
陳漢娜早前因演出ViuTV劇集《IT狗》而人氣急升。(圖片來源:IG@hannachanx)
 大叔的愛 Edan疑用「想笑死我咩」搞笑圖來隔空回應傳聞。
Edan疑用「想笑死我咩」搞笑圖來隔空回應傳聞。(圖片來源:IG @edanlui)
 大叔的愛 忙於拍新劇的Anson Lo,對於被指帶陳漢娜入劇組,只表示「得啖笑」。
忙於拍新劇的Anson Lo,對於被指帶陳漢娜入劇組,只表示「得啖笑」。(圖片來源:IG@ansonlht)

Edan無法演出新劇真正原因

Edan與Do姐鄭裕玲連線開Live時,透露本來得知ViuTV將以《大叔的愛》的原班人馬開拍新劇《百萬同居計劃》 ,覺得好興奮,但最終卻因為「撞期」關係,而無奈決定辭演。

 大叔的愛 Edan話無得同《大叔的愛》的原班人馬一齊拍新劇,覺得好失落。
Edan話無得同《大叔的愛》的原班人馬一齊拍新劇,覺得好失落。(圖片來源:IG@edanlui)
 大叔的愛 Edan呂爵安親揭兩度開工暈倒 自爆新劇《i.SWIM》係執二攤
不少粉絲都好期待「田牧CP」再合體,但Edan最終卻因「撞期」而無奈缺席新劇。(圖片來源:IG@edanlui)
 大叔的愛 據知Edan原本在新劇飾演的角色,將由Jeffrey頂上。
據知Edan原本在新劇飾演的角色,將由Jeffrey頂上。(圖片來源:《大叔的愛》截圖)

呻黃德斌令佢更失落

Edan直言當初得知的消息,「大叔」黃德斌同樣都因為「撞期」而無緣拍劇,但後來得知黃德斌調動檔期參演,令「原班人馬」只差Edan一個,令他更感失落。而對於Do姐問他會否客串演出這部新劇,Edan表示自己都希望可以客串,但要等劇組安排。

 大叔的愛 黃德斌 雖然只係錫面,冇咀嘴,但都睇到觀眾嘩嘩聲
新劇因疫情關係延期開拍,令黃德斌「無期」變「有期」。(圖片來源:《大叔的愛》截圖)
 大叔的愛 Mirror
《大叔的愛》的原班人馬,除了Edan外,都有份參演新劇《百萬同居計劃》。(圖片來源:IG @edanlui)

因參演毛姐新戲撞期

據知Edan今次「撞期」的原因,是因為要參演毛姐毛舜筠開拍的新電影,以及要準備7月舉行的MIRROR紅館騷,加上因為疫情關係,由姜濤主演的劇集《季前賽》一度停拍,近日劇集恢復開拍,導致跟《大叔的愛》班底新劇《百萬同居計劃》「撞晒期」。

 大叔的愛 Edan將在新片再與毛姐合作。
Edan將在新片再與毛姐合作。(圖片來源:IG@moje115)

傳Jeffrey頂上

有指Edan辭演後,劇組急搵Jeffrey魏浚笙頂上其角色。Jeffrey日前亦上載了一段在車廂中閉目養神的影片,並留言:「Day 1 Start!演員生活開始!」此外還有MIRROR成員Jer,亦有指將會加入新劇演出。

 大叔的愛 Jeffrey疑臨危頂上Edan原本在新劇的角色。
Jeffrey疑臨危頂上Edan原本在新劇的角色。(圖片來源:IG@jeffreyngai)
 大叔的愛 Jeffrey右)與Edan因拍檔主持節目《膠戰》而成為好友。
Jeffrey(右)與Edan因拍檔主持節目《膠戰》而成為好友。(圖片來源:IG@jeffreyngai)
 大叔的愛 有指Jer右)亦將會參演ViuTV今次的新劇《百萬同居計劃》 。
有指Jer(右)亦將會參演ViuTV今次的新劇《百萬同居計劃》 。(圖片來源:IG @edanlui)

Edan曾兩度開工暈倒

憑《大叔的愛》彈起的Edan,除了擔正《i.SWIM》,在籃球劇《季前賽》亦參與重要角色。工作量大增的Edan,去年曾自爆兩度開工暈倒,所以去做了詳細的身體檢查,報告結果心臟冇事,Edan話:「兩次暈倒,我抖吓之後都冇事嘅,之後去做檢查知道身體無事,大家唔使擔心。我拍劇要操,多咗做運動真係體力同健康都好咗好多!」

 大叔的愛 Edan同Jeffrey繼《膠戰》之後,合作拍劇集《i.SWIM》。
Edan同Jeffrey繼《膠戰》之後,合作拍劇集《i.SWIM》,在劇中鬥餐死。(圖片來源:IG@edanlui)
 Edan拍攝《大叔的愛》時因為一場「出浴戲」才開始注重身型:「當知道《大叔》要除,就下定決心要搞搞佢,起碼搞走個肚腩好大)先,所以就開始控制飲食同操吓,呢次已經係我咁大個仔以嚟最fit一次﹗」
Edan拍攝《大叔的愛》時因為一場「出浴戲」才開始注重身型:「當知道《大叔》要除,就下定決心要搞搞佢,起碼搞走個肚腩(好大)先,所以就開始控制飲食同操吓,呢次已經係我咁大個仔以嚟最fit一次﹗」(圖片來源:IG@edanlui)
 大叔的愛 《i.SWIM》講述兩位青年泳手,展開一段亦師、亦敵、亦友的競賽,一場「天賦」與「努力」的較量。
《i.SWIM》講述兩位青年泳手,展開一段亦師、亦敵、亦友的競賽,一場「天賦」與「努力」的較量,劇中當然唔少得Edan和Jeffrey著泳褲游水的鏡頭。(圖片來源:《ViuTV2022》節目巡禮截圖)
 大叔的愛 姜濤同Ian在籃球劇《季前賽》切磋球技,演出還有MIRROR的Edan及Stanley以及Error的肥仔及193。
姜濤同Ian在籃球劇《季前賽》切磋球技,同劇演出的還有MIRROR的Edan及Stanley以及Error的肥仔及193。(圖片來源:ViuTV2022節目巡禮官方圖片)

撰文:東方新地圖片來源:《ViuTV2022》節目巡禮截圖, IG@jeffreyngai, IG@moje115, IG@hannachanx, IG@edanlui、《大叔的愛》截圖, IG@ansonlht