《大叔的愛港版》開拍！Anson Lo、Edan擔正BL味勁濃　Anson Lo：獻出好多螢幕第一次

Jan 25 2021

《大叔的愛港版》真係開鏡喇！日本同性戀話題神劇《大叔的愛》大受歡迎，劇集版推出兩季外，連電影版都有。早前有指ViuTV向日本購買《大叔的愛》版權，今年更會在香港開拍。MIRROR成員Edan（呂爵安）擔正做男主角「春田田」，另一成員Anson Lo（盧瀚霆）則飾演暗戀「春田田」的「阿牧」。到底呢套香港史上第一套正式BL劇係點？即刻睇睇！

撰文：Lmc｜圖片：呂爵安＠IG、盧瀚霆＠IG｜編輯：海月

《大叔的愛港版》開拍！Anson Lo、Edan擔正BL味勁濃　Anson Lo：獻出好多螢幕第一次

日本同性戀話題神劇《大叔的愛》大受歡迎，劇集版推出兩季外，連電影版都有。早前有指ViuTV向日本購買《大叔的愛》版權，今年更會在香港開拍。MIRROR成員Edan（呂爵安）擔正做男主角「春田田」，另一成員Anson Lo（盧瀚霆）則飾演暗戀「春田田」的「阿牧」。而傳聞黃德斌會演「黑澤部長」，但就未確實，不少BL迷相當期待作品。日前，港版《大叔的愛》已開始拍攝，即刻睇睇拍攝花絮！

《大叔的愛港版》演出名單一出後，不少網友十分期待Edan和Anson Lo搞HEHE可以擦出什麼火花。本月20日，劇集亦正式開始拍攝。Edan和Anson Lo也在社交網限時動態上晒出開工相片，見到Edan分享的照片中，二人身穿恤衫並打呔，十分帥氣。Anson Lo更單眼向鏡頭放電，殺死人。而Edan就含蓄露齒微笑，感覺乖巧又帶點傻氣，與原型「春田田」十分相似。

此外，Anson Lo早前出席活動接受訪問，曾提到覺得好尷尬，獻出好多螢幕的第一次。不過他就不願透露會否與Edan錫錫，亦表示沒有肉帛相見。Anson Lo為了演出，也多次看原裝版劇集揣摩角色，準備十足。

Edan日前（21號）24歲生日，一向十分錫妹妹的他分享了慶生的照片。相中見到Edan穿上熊仔衣飾，與妹妹頭貼頭合照，兩兄妹似足餅印，勁Sweet。Edan留言講到：「24歲了，眨吓眼就廿頭變廿中，希望24歲嘅爵安繼續比心機，做好自己，唔好辜負身邊咁多咁愛錫你嘅人。亦希望小如豬唔好嫌棄啊哥繼續俾阿哥黐住😭（啱啱即刻話我好嘔心😂😂）」