墨西哥女歌手Heidy Infante戶外開騷慘遭被摸下面 誓要拎返應有嘅公道
廣告
歌手係戶外開騷除咗可以同歌迷更直接互動外,份外都要打醒十二分精神!早前墨西哥女歌手Heidy Infante係戶外開騷,在台上表演期間突然有位陌生男子衝上台,仲被對方性騷擾,雙方馬上爆發衝突,後來該名男子真實身分亦被揭露竟然係做「呢行」,引起熱議!
Heidy遭陌生男子摸下面 隨即變雙方互毆!
根據網上片段見到,原本正在唱歌嘅Heidy見到呢位男子係台上都未有理會對方,仲打對方patpat,突然之間該男子伸手觸摸Heidy下體,Heidy馬上怒摑對方,而男子隨後即扯住女方頭髮並起勢狂毆打,保鑣同工作人員馬上衝到台上制止,但台下粉絲已經嚇到驚慌尖叫。
身上多處地方受傷Heidy形容過程難以忍受
據知,當時該男子衝上台前被大會工作人員誤認以為係Heidy嘅表演團隊成員,直到雙方在台上互毆先發現原來係互不認識,但一切已經太遲。事後Heidy驗傷時身上多處地方有受傷,扭到頸之餘背部亦被咬傷,佢形容係台上被男方打足28秒,根本係「身體虐待」。
男子真正身份竟然係?!
該名男子之後真實身分被揭露係歌手Yian Lopez,但警方拘捕佢幾個小時後就釋放對方,而Yian Lopez亦有反過嚟吿Heidy,直指對方不恰當地觸碰自己。Heidy聞言後當然嬲到震,仲同警方講已經搵好律師向相關單位提出控訴,直言「我唔係想要錢,我要嘅係得到應有嘅公道。」事件同時亦惹墨西哥民眾十分不滿,要求當局立即展開調查!
少女時代成員早年亦曾在台被騷擾
其實歌手戶外開騷可以話係要臨時應變,早年韓國女子團體少女時代成員孝淵出席DJ電音節活動係IG開live同粉絲活動,期間有名外國男子不停靠近孝淵,仲用用手臂碰撞對方胸部,令孝淵勁嬲直接同該男子講:「DON’T TOUCH ME」並影住對方,不過該男子未有理會仲話係自己嘅舞台就要遵守其規則,令不少網民希望外界正視問題。
圖片來源:IG@hyoyeon_x_x、IG@ heidyinfantee、 youtube@Grupo REFORMA、youtube@ Venga La Alegría、youtube@ Evolution Inc、