嘉盈誓摵甩MK形象 新相被讚：好靚女！

嘉盈封波轉行清純路線 網民：有啲似娜娜！

由熊仔頭Channel彈出的新一代KOL嘉盈，近日越來越紅。一向都行性感路線，其傲人上圍都吸引到唔少男Fans的注目。除了擁有性感身段外，嘉盈最令人印象深刻的便是她的MK形象，完美地將MK妹形象演繹出來！

新Look大玩清純系

而一向熱愛騷身材的嘉盈，近日「忽然封胸」，扎起春麗頭，再加上粉紅色背心，用腳遮擋自己的上圍。MK妹走向清純系，網民都大讚呢個Look同新妝十分出色。走向清純系的嘉盈的確比以前更有味道，封胸都未嘗不可！

新Look撞樣屯門娜娜

不過都有網民對於嘉盈的新look感到不太滿意，有人直言嘉盈的新Look有啲似「屯門娜娜」，不過都有網民認為其實嘉盈除了「巴渣啲」之外，整體的性格同外形都算中上，亦有人指自己撞見過嘉盈真人，覺得佢都非常之Nice。

重溫節見嘉盈大平反

最近kaying上咗viutv新節目《姊妹們的國際市場》爆出唔少「金句」惹來唔少負評。而FHProductionHK最新一集的「熊館」系列就為kaying平反！kaying回應咗好多有關網民對佢的負評，直認佢所謂的「賣弄性感」是源自於自己的無自信，自被不斷標籤後，kaying係衣著上都收斂不少。試當真許腎以及阿慈等人都指kaying睇好多書、好留意香港文化同睇好多港產片，係一位不止mk而且有內涵的好女仔。而且kaying仲回應咗成日俾人鬧喺節目時「好嘈」「好煩」的問題，全因kaying認為做youtuber就應該係娛樂大眾，所以佢忽略咗自身的形象去做咗好多想節目好睇的行為。

網民：嘉盈唔簡單 係一個好女仔！

影片最後仲提到FHProductionHK有一段時間影片質素下降，內部出現問題，創辦人熊仔頭私人問題而經常不在狀態，而藍仔頭、kaying都曾經因此想要離開fh，大爆一句「你放棄觀眾都算，啲觀眾支持咗你10年，你放棄channel都算，你自己建立，但你抌低我哋呢班朋友」不過kaying仍然係對熊仔頭不離不棄，而且不斷做好自己、付出，感動不少觀眾。觀眾睇完都大讚「喜歡嘉盈」「真係睇到喊曬出來。見過你地有高峰、低潮，當嘉盈、男仔頭甚至公司好多人都話想走，想放棄一切,放棄channel，雖然都吾太關我事，但都覺得好心痛。而加見到你地重新振作，我好感動，都好多謝你地繼續拍片，娛樂我地一班觀眾。我會繼續支持你地」「依個女人唔簡單」「阿叔我幾十碎人，都睇到喊左。」「其實你真係好出色，鬧你嗰啲全完都只妒忌你」

網民推測熊仔頭疑因Santis搞到差啲執笠

不過眼利的網民就發現熊仔頭出現「私人問題」的時間係上年，推測係同Santis拍拖然後出現感情問題的時間，後來去到1月時就爆出解約的消息「熊仔頭話上年私人事扔低左公司，係咪俾MC帽個單野」「Santis不得好x，差啲搞到kaying bb」「嘉盈真係好俾心機，好女仔嚟」「反而冇乜人x santis，熊仔頭拍嘢用心係人都知，條臭x借完佢上位就走人，差啲搞到FH執笠」「熊仔頭痛苦在心中」「情關難過」

完整影片：