單身即地獄3︳旻志4大心機招式全整合 男士大讚反應一流！女士鬧爆行為廉價
廣告
《單身即地獄》自第一季開播以來，一直以來收視高企，而當中的節目成員個個都爆紅。而家嚟到第三季，再次上咗Netflix第一位，今季除咗睇帥哥美女的顏值之外，仲因為改咗遊戲規則增加唔少新鮮感，再次引起網民熱討。終於喺昨日（9日）迎來尾聲，「海王」籃球選手李官熙終於「情定崔惠善」，無揀曹旻志！一文重溫旻志心機套路，睇吓佢點令李官熙、一眾男士對佢心心眼！
曹旻志撒嬌又柔弱反應一流
曹旻志的反應以及性格都非常吸引男士，特別係旻志撒嬌又柔弱的一面！旻志開朗好識製造話題，比人感覺親近又有親和力，仲要識間唔中flirt吓人，所以就算係後期加入都完全無問題。其次旻志完全比人感覺係識撒嬌又柔弱，例如因為李官熙喺直升機上唔理佢就即場爆喊，令李官熙產生內疚感，在旁的民奎不單無反感仲相反好想保護曹旻志。而且雖然李官熙無理旻志搞到佢喊，但佢仍然對佢小鳥依人、撒晒嬌，全心全意的反應怎會不入坑？！
確認過眼神！曹旻志單眼！
《單身即地獄3》的曹旻志勁識俾眼神！旻志同男參賽者講嘢時的眼神都非常出色，除咗利用自己水汪汪眼大大的雙眼望住對方之外，眼神仲要帶幾分溫柔感，難怪連主持人都大讚佢技術高超！除此之外，旻志仲會喺適當的時候單眼！例如當男參賽者一講到一啲讚美佢的說話，旻志就會隨即單眼電爆男參賽者，呢種招數，真係每次都擊中男參賽者的心！雖然唔少人都會講到「廈情下巴」，但似乎唔係個個啱駛，但旻志呢招簡直係男女通殺！
曹旻志撥頭髮！
曹旻志除咗眼神之外，旻志仲會成日撥吓頭髮咁，簡直係用頭髮去揀仔！其實唔少男士都對女士輕輕撥頭髮都非常受落架，長頭髮的女士可以學起來！
曹旻志「漏電表情包」
曹旻志除咗眼神之外，仲會時不時有啲「漏電表情包」，包括輕輕側頭、咬下唇、伸脷等，令人感覺表情多多，好相處又可愛。
曹旻志心機套路只有男士受落 女觀眾洗版式大鬧
曹旻志的行為對唔少男士嚟講都大讚，可是對女士嚟講就係極「綠茶」，不斷去曹旻志IG洗被大鬧！「你不該這麼做，你不尊重惠善」「你真的想在全世界面前得分官熙嗎？女孩，你不僅缺乏自尊，而且完全不合適。」「天哪，你真是個絕望的女人。尋求男人的注意，試圖引誘他們。我覺得你的行為很廉價。」「你在節目中的行為令人懷疑和奇怪」直到今日（10日）曹旻志忍唔住喺IG表示佢有反思自己的行為，似乎希望觀眾可以放過佢啦！
睇晒曹旻志靚相 IG：joymingzi_
圖片來源：ig＠joymingzi_、《單身即地獄3》
