單親媽媽窮煮婦KOL被爆勾人老公搞到人哋變單親媽媽！
廣告
近日一位爆紅的單親媽媽KOL，自稱養兩大兩小，因分享每餐只用100元煮5人份量，再加上有媒體報導後而火速爆紅。不過人紅是非多，呢位睇落慳家又自強的單親媽媽IG留言被在洗版，被爆勾人老公搞到人妻離子散？！
自強單親媽媽KOL 被爆搞到人哋變單親媽媽
事源呢位KOL自稱自己係單親媽媽，有兩個仔、一個工人要養，一星期要返足7日工開支大，但被爆溝咗一位澳洲藉有家室男士，該男士未離婚，有老婆、一個女。呢位KOL仲飛過去澳洲搵人老公玩足幾日幾夜，做第三者，仲叫人哋老公跟佢走，留低妻女喺澳洲，搞到人哋變咗單親媽媽。後來IG被踢爆後就疑用假ac反指正室有家暴、出軌、當人ATM等問題，不過有唔少人幫正室出言平反。
前夫友人再踢爆扮窮扮開支大？好媽媽的形象崩壞
除此之外，仲有自稱前夫友人踢爆呢位單親媽媽所謂要養的5個人，即係2個仔加工人，其實2個仔都係跟前夫住，而工人都係前夫出錢，一直只係養自己，但就講到自己好窮好慘，利用呢樣嘢營造出自己係自強好媽媽的形象。
網民：人前自強好媽媽 人後係介入人哋婚姻第三者
單親媽媽KOL一直只回應「謠言止於智者」等，網民就繼續留言洗版「可否回應下男朋友同老婆離左婚未？由認識到一齊，再話要同老婆離婚條時間線係點？人前係自強好媽媽，人後係介入人地婚姻既第三者，自己做過乜自己心知肚明啦，做壞事係有人睇到㗎」「佢淨係識講「謠言止於智者」我夠識講「事實勝於雄辯」，事實擺在眼前，所以佢都放棄狡辯，連同打手aka自己笠左水」「而家好多真account覆你喎，咁都唔回應下？定大家講真嘢你唔知可以點兜啊」「果然係煮食kol」雖然如此都有唔少網民留言支持呢位單親媽媽叫佢加油，亦有網民覺得無問題「唔覺得佢博同情，單親家庭唔係罕有，其實真係睇佢100蚊點整5份餐出黎」「人地單身做乜又關你事？明明個男人先係出軌嗰個」「而家我學煮餸又唔係揀老婆」
圖片來源：IG@poorjopenrice
