【單對單】高海寧自認非一般女友！爆喊講人生憾事：你有誘惑、我冇咩？
撰文：東方新地 ｜圖片：高海寧 IG、TVB截圖｜編輯：20｜原文刊於：東方新地
唔介意另一半愛別人
高海寧（高Ling）日前作客黎芷珊主持的訪談節目《單對單》，節目中高Ling大談感情事，坦承過去自己十分被動兼謹慎選擇另一半，多年來拍拖次數不足5次，最長一段關係則維持8年。高Ling又分享自己「非一般女友」一面，不介意另一半愛上別人：「你覺得佢好過我，It’s OK！我有我自信，你有誘惑、我冇咩？但我會選擇同你一齊，係因為我覺得你重要過其他人。」
喜歡小朋友：自己一個人完成都Ok
但現時高Ling對感情事則變得積極：「年紀大咗好難好純粹去鍾意一個人、好難心動，所以如果依家真係畀我同一個人相處咗後又有Feel嘅，我會覺得唔好錯過。人生在世，好短架咋，如果有個人可以令你好衝動，可以為佢奮不顧身，係好難得嘅一件事。」現年34歲的高Ling，直認喜歡小朋友，雖則未有實質相關計劃，但卻笑謂：「生小朋友？自己一個人完成都Ok架。」又指其實自己很「難追」，鮮花及任何物質均不是打動她的重點。
人生最大遺憾
至於一向重視家庭及家人的高Ling，談及剛離世的公公時雖強忍淚水，但眼淚最終還是一行一行的落下，高Ling邊拭淚邊說：「公公係我暫時人生最大遺憾，我係婆婆公公帶大，所以感情好深。雖然好多人安慰我，好多人見唔到親人最後一面，但你會突然間覺得，你以後都見佢唔到喇。」
高海寧伸脷舔刀引死人
有無綫咪神之稱嘅高海寧（高Ling）身材一向出眾，稱得上係性感尤物，估唔到佢連整蛋糕都誘惑過人！日前佢係IG上載整蛋糕影片，以一身小背心上陣盡顯美好身段，眼見高Ling專心整蛋糕，俯身時身材呼之欲出，非常吸睛！期間高Ling表情多多，邊整蛋糕邊自讚「完美、perfect」，自我陶醉一番。到片尾部分，高Ling更伸脷舔走蛋糕刀上多餘嘅Cream試味，姿態非常誘人。引到一班宅男粉絲紛紛留言：「睇見就想舔」、「最後嗰下good」、「你好正呀」等等。
高海寧：單身冇乜大不了
其實高Ling同前度音樂才子男友鄧智偉分手至今仍單身，早前上黎芷珊主持嘅訪談節目《單對單》就分享Me Time嘅自在感。著重心靈素質嘅高Ling，就話瑜伽可幫佢減壓：「當我思緒比較亂，我就會去做瑜伽。因為嗰一個鐘會集中喺呼吸同搵番平衡感，冇時間諗其他嘢，咁就完全可以放鬆同放空到自己，會開心番好多。」高Ling亦好享受MeTime嘅生活：「單身只係眼前狀態，冇乜大不了。反而仲可以趁呢段時間睇清楚自己個心，想要啲乜、追求啲乜，然後遇到更加好嘅人。」
高海寧玩衝浪變濕身誘惑
另外，高Ling早前趁難得有假期，展開「一個人的背包旅行」，還學習衝浪，享受慢活人生。高Ling早前在IG大晒滑浪靚相，並留言道：「萬物皆有裂痕，那是光照進來的地方，如果痛恨所處的黑暗，請你成為你想要的光。」睇見雖然高Ling穿上白色滑水衣，但濕水後再加上陽光照射下，34D上圍一覽無遺，完美曲線盡現，有唔少網民大讚性感。
