金像獎2024︳「啤梨」轟林家謙表演悶 網民：好有娛樂性！
廣告
金像獎係日前完滿結束，當中不少環節都成為網民茶餘飯後嘅話題，其中一個就係表演嘉賓林家謙同Serrini嘅開場medley，二人係台上載歌載舞，唱出多首香港電影嘅經典主題曲，不過有部分網民就覺得林家謙嘅表演未如理想，但亦有粉絲力撐偶像，網民意見兩極！其中Youtuber「啤梨」日前仲拍片狠批，「林家謙係金像獎嘅演出係電視史上除咗William Hung之外最差既表演」，引起網民激烈討論！
金像獎2023︳啤梨形容林家謙表演係「可怕地差」
講到金像獎表演時，「啤梨」一開頭先大讚Serrini表演好好，但講到林家謙佢就靜咗幾秒，然後深呼吸講，「我真係唔知點形容佢，佢連卡拉OK水準都比唔上。」佢形容林家謙嘅表演完全唔知發生咩事，又指對方係做音樂、幕後出身，「係幾百萬觀眾、甚至台前咁多位影壇圈中人都識嘢嘅人，拎啲咁嘅表演出黎，佢係我所見過係香港電視史上除咗William Hung之個個之外，我未見過表演咁差，係可怕地差。」
金像獎2023︳啤梨大讚其他表演嘉賓全部好過佢
其後「啤梨」提到知道男方要遷就Serrini低音，所以要全部歌要降key，但進行彩排前應該有時間去整理同排練，「我知佢又唔係好靚仔，又唔能夠相信佢平時嘅表演係咁都可以紅到，可能佢平時表現好啲，其他表演嘉賓個個都好過佢。我俾你做opening，點解可以咁，我真係大話不解。」
金像獎2023︳網民唔認同：點會係佢最差？！
「啤梨」言論一出後引來網民意見兩極，好多網民都唔多認同，係youtube嘅留言都係力撐林家謙，首先一定唔係全晚最差「吓，點會係最差？ANSONBEAN同 Winka唔講？」「剩係識抽水」「唔夠膽講第個？」「佢把聲唱這些懷舊歌原來是咁正」、「聽開佢地就知呢個live 同錄音一樣水準，係佢哋獨有風格同聲線」。
睇片！
圖片來源：截圖@啤梨頻道2台barrymatv02、ViuTV直播、youtube資料或影片來源：ig＠terencelam0903
