金像獎2022周秀娜入圍「最佳女主角」一文回顧𡃁模轉型史

早已踏上演員之路

周秀娜以「翻版樂基兒」嘅性感形象出道，寫真集《Kissy Chrissie Saipan》為人所熟悉，仲掀起𡃁模熱潮！其實周秀娜喺做𡃁模出寫真前已經接觸電影圈，第一部參與電影係2006年上映嘅《打雀英雄傳》飾演聯誼會嘅PR，同年上映嘅《新紮師妹3》同埋劇集《老馮日記》都有份參與。由葉念琛執導嘅《婚前試愛》開始擔任重要領導角色，飾演琪琪，講述新時代嘅兩性價值觀電影。後嚟陸續參與更多以愛情喜劇為題材嘅電影角色如《猛男滾死隊》、《熱浪球愛戰》、《爛滾夫鬥爛滾妻》《分手100次》，劇中多數以性感形象出現。周秀娜參與電影不計其數，近年一改性感形象，變為時尚達人，氣質穩重成熟，參加不同挑戰嘅電影如：《29+1》、《洩密者》、《葉問外傳：張天志》、《P風暴》等。當時由彭秀慧自編自導《29+1》就係周秀娜首次提名香港電影金像獎「最佳女主角」嘅電影。當時顯示出周秀娜嘅演藝實力同埋形象嘅突破，對佢有重大嘅改觀！

《馬達。蓮娜》為周秀娜度身訂造

周秀娜轉簽古天樂旗下時，古天樂經理人Ronnie接受訪問都大方承認會為周秀娜訂造劇本，《馬達。蓮娜》就恰好係古天樂公司其中一個投資，似乎係精心安排下俾周秀娜大展所長！周秀娜戲中飾演流落澳門打工賺錢嘅異鄉人，劇本內心戲多，發揮性強，難怪可以再度入圍「最佳女主角！

周秀娜喺《29+1》入圍後落選已經令網民表示可惜，今次再獲提名反應都被受讚賞同認同。

重溫整個轉型歷史

36歲嘅周秀娜𡃁模形象深入民心，性感寫真推出時風靡一時，引來全城熱話！當年嘅刷牙滴牙膏嘅照片，簡直係當年寫真集嘅經典，不過一切都成歷央，現今周秀娜收起性感特質，形象大轉變。

化身時尚達人 散發成熟氣質

周秀娜收起性感後，對自己嘅身型仍非常有要求，一直勤於健身，身形保持最佳狀態，形健康，著衫亦透出其獨特品味，漸漸散發強烈女人味。