周星馳開拍經典續集網民唔睇好？分析3大理由：變王晶不斷食老本
廣告
周星馳（星爺）自開IG後後經常出post，搞作多多，先是請web3人才，後來又宣布要搞新戲《少林女足》，網上又傳出將開拍《功夫2》、《美人魚2》等，雖然星爺開戲自然大把粉絲支持，不過有連登仔似乎唔多睇好。
周星馳多部經典開拍續集
周星馳（星爺）多部經典疑似開拍續集，如《功夫》、《美人魚》等，《功夫2》早前微博更出埋電影海報，指星爺今次會落場出演。除此之外，星爺IG即頭出埋post要搞《少林女足》齊集多名靚女開戲，近日又話搵韓國影帝宋康昊做《少林女足》球證一角。估唔到星爺開戲都有人反對？有連登仔喺連登討論區發起討論，認為星爺今次似乎吹大咗！
網民唔睇好分析3大理由：變王晶2.0不斷食老本
雖然討論有唔少人比負評，但都有唔少網民認同，首先認為星爺開始老，將星爺比喻作王晶，開始不斷食老本。其次又有網民認為星爺其實只係IG試水溫，睇吓網民反應，戲其實唔一定真係開。最後有網民認為星爺之前大搞web3可能中咗招，所以而家開新戲。最後網民大多數唔支持星爺開拍續集原因，認為星爺的電影已成經典，唔想破壞經典「而家再拍啲笑位應該都係老土嘢，收手啦，經典出新就唔係嗰個味道」「今時今日好多題材對白都唔用得」
網民：星爺肯自己落場十幾億唔難啦
又有網民指唔應該開《功夫2》、《美人魚2》，應該開《逃學威龍》、《國產凌凌漆》等，認為根本星爺肯自己落場幾十億返嚟話咁易。「佢肯自己演。再x差都係會大把人睇」「佢肯落場一兩次搵翻十幾億都唔難啦」「佢肯出黎 20億走唔甩啦」「佢自己唔演就票房死九成啦，你話佢出黎演個下靶 配角，點都支持嘅，講真佢嘅戲 大把人唔收錢都嚟演啦」
圖片來源：ig＠stephenchow、weibo截圖
