周國賢開騷前夕連發3黑圖！粉絲憂心身心狀況、私人acc爆好辛苦？
廣告
周國賢（Endy）IG連出三幅黑圖，令一眾粉絲非常擔心，紛紛留言追問發生何事，亦有不少留言安慰一番。周國贀周六與麥浚龍開騷，粉絲擔心曾受情緒困擾的周國賢身心狀況。
周國賢連出黑圖 網民：你並不孤單
周國賢連日發出全黑圖po，令粉絲超級憂心即將開騷的周國賢，發生了甚麼事，深怕影響演出。網民瘋狂留言關心一番，「會過去的」、「加油呀賢仔」、「撐住呀」、「明晒」、「我哋係你最大後盾」、「完全明白，你並不孤單」、「靈魂在某天想要光 便有光」、「從黑暗就會走向光明」等。
周國賢周六首度與Juno開騷
周國賢一直未有解釋為何連發黑圖，及後發出一張在演唱會上的彈琴照，留言：「只剩下鋼琴陪我彈了一天」，令粉絲更大為擔心，再洗版留言安慰：「無論發生甚麼事，我哋會一直陪住你」、「還有我們」。周國賢即將與Juno在亞洲博覧館開騷，Endy曾透露二人結緣於2008年一起拍攝旅遊特輯，他自爆用熱情溶化cool cool哋嘅Juno，「大家有好多無聊話題， 麥先生本身都好認真，但唔知點解撞落我度就好無聊，大家有一個好神奇嘅化學作用喺度。」
網民突破盲腸：唔好抄Juno啦！
故有網民突破盲點指周國賢抄Juno玩暗黑，「Juno又將呢啲黑白作狀嘢傳染俾人，之前Kay 已經搞到勁唔似佢自己」、「又刷存在感，要人估佢發生咩事，四十幾歲人仲中二病成咁」、「好欣賞你又學另一男主角嘅講嘢方式，好兄弟」、「咪抄Juno抄到咁足」、「係咪排版嚟咋，又學埋Juno啲圖」等。
私人acc爆心聲：好辛苦 網民由關心變鬧爆
有網民在討論區貼出聲稱是周國賢私人IG貼出，黑底白字，字細到要放大看「好辛苦，唔會講咩事，唔使再DM我」，令粉絲更為擔心是否受情緒困擾！今日周國賢再貼出一張黑白照，他被煙霧彌漫包圍，今次終於有明確訊息，「彩排時唱返好多重新編曲，很久沒玩過的舊歌，見返些兒時，夾band的舊友，還有這次的㕧一男主角，也是認識快二十年的老友，禾，巧期待，會入場的觀眾，記得溫吓我啲快歌。」用詞忽然變跳脫，看來粉絲擔心是多餘！但卻被網民鬧爆：「又被佢呃到關心」、「好心啦，咁大個人仲係度玩呢味嘢」。
圖片來源：IG＠koholaendy、IG＠juno_mak
