語出驚人吳若希、一句下令農莊facebook專頁刪相!網友圍插:真係以為自己大明星?

流行娛樂

廣告

向來語出驚人嘅吳若希(Jinny),日前有個「有機薈低碳農莊」facebook專頁上載一張Jinny相片以答謝到訪,點知Jinny竟然留言…

撰文:東方新地 |圖片:有機薈低碳農莊facebook、吳若希IG|編輯:20|原文刊於:東方新地

吳若希
吳若希下令農莊facebook專頁刪相。

下令農莊facebook專頁刪相

近年活躍於社交網的吳若希(Jinny),不時大方po相po片同粉絲分享。不過,日前有個叫「有機薈低碳農莊」facebook專頁,上載了張張Jinny的相片以答謝她到訪,並簡單表示:「多謝吳若希昨天一家大小到訪菠蘿園」,點知卻惹起Jinny不滿,更在專頁留言:「相片未經授權公開,請盡快移除」。事件即引起網友熱烈討論,紛紛圍插Jinny:「好大的官威」、「以為自己大明星?」、「人哋幫你宣傳執到啦」等等,到最後該農莊專頁將貼文刪除。

吳若希
「有機薈低碳農莊」facebook專頁,上載了1張Jinny的相片以答謝她到訪。
吳若希
網友留言。
吳若希
網友留言。

YouTube狂數老公缺點

吳若希(Jinny)近日積極經營其個人YouTube頻道,每個星期都推出一條新片谷人氣,為了增加點擊率,連同老公之日常都公開同網民分享。吳若希話好多YouTuber都有做「你問我答」環節的影片,因此她也決定拍片回答大家的Q&A。片中Jinny講到老公Alex,吳若希就開始表現激動,否認自己不讓老公打機,更話自己係鼓勵老公打機,她說:「我成日都同佢講,你去打機啦,加油!加油!加油!咁樣講㗎!」她又解釋:「其實唔係唔畀佢打機,但起碼要分到啲時間畀我同小朋友,做完嘢唔瞓覺去打機係冇問題㗎。」

吳若希「你問我答」回答網友Q&A 狂數老公缺點 嗌日日都想⋯⋯
吳若希嬲話自己冇阻止老公打機,反而係會鼓勵佢打機。
吳若希「你問我答」回答網友Q&A 狂數老公缺點 嗌日日都想⋯⋯
同老公講:「加油!加油!加油!」
吳若希「你問我答」回答網友Q&A 狂數老公缺點 嗌日日都想⋯⋯
佢話希望老公喺打機之餘,都分到時間陪伴屋企人,佢話呢啲係所有老婆同女朋友嘅心聲。

而被問到「何生的三個缺點」時,吳若希就滔滔不絕狂數:「唔同我傾偈、批我肘、唔畀我磨腳腳,唔磨腳腳真係瞓唔到,我已經講咗十次⋯⋯下刪100個字。」而當被問到是否有打算過與老公離婚,她直言:「有,絕對有,日日都諗!」仲叫人撳住佢啲怒火!

吳若希「你問我答」回答網友Q&A 狂數老公缺點 嗌日日都想⋯⋯
一講到「何生的三個缺點」,吳若希就滔滔不絕狂數。
吳若希「你問我答」回答網友Q&A 狂數老公缺點 嗌日日都想⋯⋯
吳若希嬲爆話日日都有諗要同老公離婚,仲叫人撳住佢啲怒火!
吳若希「你問我答」回答網友Q&A 狂數老公缺點 嗌日日都想⋯⋯
吳若希與Alex自2017年結婚,至今已三年抱兩。

講到出道至今面對種種負評以及人身攻擊,點樣走過?吳若希笑言:「我會諗吓呢樣嘢會唔會令我少咗忽肉、會唔會令我少咗錢先。如果唔會嘅話就由得佢,So far錢冇少到、肉又冇少到,咁佢唔鍾意我,我都可以唔鍾意佢,咁我咪唔鍾意佢。」

吳若希「你問我答」回答網友Q&A 狂數老公缺點 嗌日日都想⋯⋯
講到初出道因被指與日本AV女優羽田愛撞樣,而被人叫「羽田若希」,吳若希話好羨慕對方「連綿起伏」,對「羽田若希」呢個封號相當受落,可惜真實的自己就只係「羽田機場」。