I SWIM｜吳海昕靠行清純文青風成功上位未紅前濕身派福利無人理？

Q: 吳海昕入行前做什麼工作?

吳海昕入行前曾做過空姐同兼職模特兒，其後為加入娛樂圈，參選《2014年度香港小姐競選》，因樣貌亮眼，當時更有... 詳情請看

Q: 吳海昕為何會被封「港版新垣結衣」?

舊年吳海昕拍攝嘅飲品廣告出街後，亦被網民力... 詳情請看

Jul 22 2022

32歲吳海昕（Sofiee）先後靠ViuTV劇集《二月廿九》同《940920》飾演穿越少女角色跑出，人氣急升。係新劇《I SWIM》中亦擔正做女主角，坐穩女一地位。吳海昕靠精湛演技加上標緻樣貌，成功吸引到唔少Fans，再配搭清新嘅日系文青風格造型，令佢得到「新一代清純女神」嘅稱號。但原來形象百變嘅吳海昕未走紅前曾大行小布路線，放手一搏但無人buy？

吳海昕新劇《I SWIM》中亦擔正做女主角，飾演一名中學MISS。（圖片來源：IG@sofiee_ng）

未走紅前吳海昕曾大行性感路線，形象百變。（圖片來源：FB＠Sofiee Ng 吳海昕）

曾為港姐落選行過性感路線

吳海昕入行前曾做過空姐同兼職模特兒，其後為加入娛樂圈，參選《2014年度香港小姐競選》，因樣貌亮眼，當時更有「大眼Dada」之稱。縱然有不少負面新聞及容貌升級傳聞，但亦無損佢嘅人氣，更獲得「民選港姐」嘅稱號，可惜最後大大倒熱灶、三甲不入。沉寂4年後簽約新公司，打算以新形象示人嘅吳海昕更同Angelababy御用攝影師合作，拍攝全新造型相，大玩出浴濕身誘惑。相中可見吳海昕瞓係浴缸，上身著住濕透小背心透出肉色bra同黑色內褲，另一造型則穿著性感連體泳衣，配合可憐誘惑嘅無辜表情，同大晒長腿，極盡誘惑！

相中吳海昕上身著濕透，透出肉色bra同黑色內褲，儀態撩人。（圖片來源：FB＠Sofiee Ng 吳海昕）

照片由Angelababy御用攝影師操刀，勾劃出吳海昕美好身段。（圖片來源：FB＠Sofiee Ng 吳海昕）

吳海昕配合可憐誘惑嘅無辜表情，性感之餘亦惹人憐愛。 — 配合可憐誘惑嘅無辜表情，性感之餘亦惹人憐愛。（圖片來源：FB＠Sofiee Ng 吳海昕）

另一造型吳海昕換上黑色性感連體泳衣。（圖片來源：FB＠Sofiee Ng 吳海昕）

日系文青風爆紅被封「港版新垣結衣」

可惜以性感造型宣佈從新出道，亦未能成功為吳海昕爆紅鋪路，直到後來《二月廿九》同《940920》中憑藉一身日系感十足嘅清純文青造型而令佢深受觀眾喜愛，人氣急升，更成為新一代宅男女神。舊年吳海昕拍攝嘅飲品廣告出街後，亦被網民力讚「以為是日本人」、「好清純！」、「超有氣質」！而吳海昕其後不少打扮亦偏向清純可人嘅日系文青風格，十分討喜，更有網民稱吳海昕係「港版新垣結衣」，令佢坐穩女神地位。