吳日言怨老公唔浪漫反被網民鬧爆 原來有前科公審個女同老竇！？

吳日言怪老公忘記2重要日子

吳日言在白色情人節314日子，貼出同老公Barry早前去日本旅行的合照，但原來是一段抱怨文，以「我要投訴」為題，她指「當你選擇一個唔細心嘅男人，就預咗會有今日。今年嘅元宵節同白色情人節，佢都冇同我過，我都幾肯定佢唔知今日係乜嘢日子。依家仲要同BEA大被同眠，得我自己一個人獨守空房。」又指老公寧同前世情人瞓，都唔同佢瞓，更指連個仔都唔願同佢瞓，她感到好傷心。

吳日言：比著你會點做？

吳日言更問網友：「暖男相反係乜？比著你會點做？」隨即惹來網民熱議，有網民更正214女方先送禮給男方，314男方才回禮「首先你要214送咗禮物先好投訴」，吳日言即回覆：「我好似無送禮物畀佢」。有不少網民批評她小事化大，更數出Barry點錫佢「情人節你地撐枱腳喎，啱啱又去日本旅行，撇低咗對仔女」，有網民狠批吳日言唔心足，「小小嘢就上網公審老公，之前已經公審過老竇同個女」、「元宵同白色情人節都要慶祝？重陽清明係咪都要慶祝？」、「最怕女人乜都放上網公審老公，仲要問人點睇」等。

吳日言公開囡囡爆喊片 網民斥：好心遮下個名牌

吳日言言論惹火，早前拍攝穿上校服、扣住名牌的四歲半大女Beatrice，因為在車內拆開零食散落一地，無得食即場爆喊，吳日言把這片段公開，即惹來二百多個留言，而大部分有來自日本、有外國的網友，留言提醒吳日言，囡囡身上的名牌有全名及學校名等資料全公開，著她小心，更有不少網民請她不要任意把囡囡嘁片放上網，狠批「囡囡啲同學如果知道，會笑佢」、「囡囡大啲知道你放上網會唔開心」、「為呃like可以去到幾盡」，不過吳日言似乎不認為有問題，一直沒有刪片。

公審有前科！

吳日言公審老竇掛住玩手機疏忽照顧孫女

之前吳日言曾公審老竇，發文怨吳父湊孫不力，在網上大吐苦水，吳日言指回家後發現囡囡臉上有一道長長的損㾗，細問吳父發生何事？吳父竟表示唔清楚，吳日言指似被畫紙𠝹損，吳父便答：「佢自己喺度搣爛啲紙。」吳日言問其父為何沒睇實囡囡而只掛住玩電話？吳日言本來已氣上心頭，被吳父一句「點解你買啲紙畀佢揻？」，令吳日言氣上加氣﹗直指其父「推卸責任」﹗